தென்னிந்திய திரைப்படங்களில் முன்னணி நடிகையாக வலம் வருபவர் சமந்தா. மயோசிடிஸ் என்ற நோயால் பாதிக்கப்பட்டு கடந்த இரண்டு ஆண்டுகளாக திரைப்படங்களில் நடிப்பதை தவிர்த்திருந்தார். அந்த நிலைமையிலிருந்து மீண்டு வந்த பிறகு, தற்போது மீண்டும் சினிமாவில் நடிக்க தொடங்கியுள்ளார். சமீபத்தில் அவர் நடித்த “சிட்டாடல்” என்ற வெப் தொடர் கடந்த வருடம் வெளியாகி, நன்றான வரவேற்பைப் பெற்றது. இதன் தொடர்ச்சியாக, அவர் தற்போது “ரக்ட் பிரம்மாண்டம்” என்ற மற்றொரு வெப் தொடரில் நடிக்க உள்ளார். இந்த தொடரை ராஜ் மற்றும் டிகே ஆகியோர் இணைந்து இயக்குகிறார்கள். மேலும், சமந்தாவே தயாரித்து கதாநாயகியாக நடிக்கும் “பங்காராம்” எனும் திரைப்படமும் விரைவில் தொடங்க இருக்கிறது.
சமீபத்தில் அவர் அளித்த பேட்டியில், “நான் 20 வயதில் திரையுலகில் சேர்ந்தேன். அப்போது எனக்கு தோன்றிய எண்ணங்கள் அனைத்தும், எத்தனை பிராண்டுகள் நம்மை அணுகுகின்றன, நம்மை தங்கள் பிராண்டுக்காக தேர்ந்தெடுக்கின்றன என்பதில்தான் வெற்றி இருக்கிறது என்று நம்பினேன். பன்னாட்டு பிராண்டுகள் அனைத்தும் என்னை தங்களின் தூதராக தேர்ந்தெடுத்தபோது நான் மிகுந்த மகிழ்ச்சி அடைந்தேன். ஆனால் இன்று எனக்கு புரிந்திருக்கிறது, தவறான பொருள்களை தேர்ந்தெடுத்து, தவறான முன்மாதிரியாக இருக்கக்கூடாது. அந்த சிறு வயதிலிருந்த சமந்தா முட்டாள்தனமாக நடந்து கொண்டதை நினைத்து, இன்றைய நான் அந்த சமந்தாவிடம் மன்னிப்புக் கேட்க விரும்புகிறேன்” என்றார்.
“நான் இப்போது என்ன செய்யவேண்டும், என்னைச் சுற்றியுள்ளவர்களுக்குத் தவறான தாக்கங்களை ஏற்படுத்தாமல் இருக்க வேண்டியது எனது பொறுப்பு. எனவே தற்போது நான் ஒப்புக்கொள்ளும் ஒவ்வொரு விளம்பர பிராண்டுக்கும் மருத்துவ ஆலோசனைகள் பெற்றபின் மட்டுமே ஒப்புதல் அளிக்கிறேன். மருத்துவர்கள் கூறும் ஆலோசனை அடிப்படையில் தான் முடிவெடுக்கிறேன். என்னைப் பின்பற்றும் அனைவருக்கும் நான் சொல்வது ஒரே ஒன்று: வெற்றி நிச்சயமாக வரும். ஆனால் அதற்காக தவறான வழிகளைத் தேர்வு செய்யக்கூடாது. கடந்த வருடம் மட்டும் 15க்கும் மேற்பட்ட பிராண்டுகளை நான் நிராகரித்தேன். அதன் காரணமாக கோடிக்கணக்கான வருமானத்தை இழந்தேன். எனினும் அதில் எனக்குப் பிசாரமில்லை. ஏனெனில், மற்றவர்களின் வாழ்க்கையில் நேர்மறையான மாற்றங்களை ஏற்படுத்தும் முடிவுகளை எடுக்கவே விரும்புகிறேன்” என கூறினார்.
