அமெரிக்காவில் ‘குட் பேட் அக்லி’ ஏப்ரல் 9ல் பிரீமியர் காட்சி!

ஆதிக் ரவிச்சந்திரன் இயக்கத்தில் ‘குட் பேட் அக்லி’ என்கிற படத்தில் நடித்துள்ளார் அஜித் குமார். மைத்ரி மூவி மேக்கர்ஸ் நிறுவனம் தயாரிக்கும் இப்படத்திற்கு ஜி.வி.பிரகாஷ் இசையமைக்கின்றார். திரிஷா, பிரசன்னா, பிரபு, சுனில் உள்ளிட்டோரும் முக்கிய வேடத்தில் நடித்துள்ளனர். கேங்ஸ்டர் கதையில் உருவாகி உள்ள இத்திரைப்படம் வருகின்ற ஏப்ரல் 10ம் தேதி அன்று திரைக்கு வருகிறது.இதையொட்டி கடந்த சில வாரங்களாக இந்த படத்திலிருந்து ஒவ்வொரு பாடல் வெளியிடப்பட்டு வருகிறது. அதோடு டீசர் வெளியாகி ரசிகர்களை கவர்ந்துள்ளது. இந்தியாவில் இந்த படத்திற்கான முன்பதிவுகள் துவங்கி நடைபெற்று வருகின்றன. இந்நிலையில் இந்த படத்தின் பிரீமியர் காட்சி ஏப்ரல் 9ம் தேதி அன்று அமெரிக்காவில் வெளியாகிறது என விநியோக நிறுவனம் அறிவித்துள்ளனர். இதற்கான டிக்கெட் முன்பதிவையும் துவங்கி உள்ளனர்.