மனோஜ் மறைவு செய்தி கேட்டு அதிர்ந்து போனேன்… இளையராஜாவின் உருக்கமான வீடியோ பதிவு!

இயக்குனர் பாரதிராஜாவின் மகனும், நடிகருமான மனோஜ், 48 மாரடைப்பால் சென்னையில் காலமானார். அவரது மறைவு திரையுலகினர், ரசிகர்கள் இடையே கடும் அதிர்ச்சியை ஏற்படுத்தி உள்ளது. அரசியல் தலைவர்கள், திரையுலகினர், ரசிகர்கள் பலரும் இரங்கல் தெரிவித்துள்ளனர்.

பாரதிராஜாவின் நண்பரும், இசையமைப்பாளருமான இளையராஜா இரங்கல் தெரிவித்து வீடியோ வெளியிட்டுள்ளார். அதில், ‛‛எனது நண்பர் பாரதியின் மகனான மனோஜ் இறந்த செய்தி கேட்டு அதிர்ந்து போனேன். என்ன சொல்வது என்றே வார்த்தை வரவில்லை. இப்படி ஒரு சோகம் பாரதிக்கு நிகழ்ந்திருக்க வேண்டாம். நிகழ்வதை நம்மால் தடுக்க முடியாது ஏற்றுக் கொண்டு தான் ஆக வேண்டும் என்று காலம் விதித்திருக்க வேண்டிய காரணத்தால் மனோஜின் ஆத்மா சாந்தி அடைய இறைவனை வேண்டுகிறேன்.இவ்வாறு இளையராஜா தெரிவித்துள்ளார்.