ராஜ்குமார் பெரியசாமி இயக்கத்தில், சிவகார்த்திகேயன் நடிப்பில் வெளியான “அமரன்” திரைப்படம் மக்களிடையே நல்ல வரவேற்பை பெற்று சுமார் ரூ.300 கோடி க்கும் அதிகமாக வசூலித்தது. இதனை தொடர்ந்து, சிபி சக்கரவர்த்தி இயக்கத்தில் சிவகார்த்திகேயன் தனது 24-வது படத்தில் நடித்து வருகிறார்.
சுதா கொங்காரா இயக்கத்தில், சிவகார்த்திகேயன் தனது 25-வது படத்தில் நடிக்கிறார் என்று படக்குழு கடந்த மாதம் அதிகாரப்பூர்வமாக அறிவித்தது. இப்படத்தை டான் பிக்சர்ஸ் தயாரிக்கிறது.இந்த படத்தில் ரவி மோகன் மற்றும் அதர்வா முக்கிய கதாபாத்திரங்களில் நடிக்கின்றனர். நாயகியாக ஸ்ரீலீலா நடிக்கிறார். இப்படத்திற்கு ஜி.வி. பிரகாஷ் இசையமைக்கிறார். ரவி மோகன் இப்படத்தில் வில்லனாக நடித்துள்ளார்.
இந்த படம் சிவகார்த்திகேயனுக்கு 25-வது படமாகவும் சுமார் ரூ.150 கோடி பட்ஜெட்டில் இந்த படம் உருவாகிறதாம். படத்தின் பூஜை விழா சமீபத்தில் நடைப்பெற்றது. படத்தின் டைட்டில் அறிவிப்பு வீடியோவை படக்குழு இன்று வெளியிட இருந்தது ஆனால் சில சூழ்நிலைகள் காரணமாக அது வெளியிடப்படவில்லை. படத்தின் டைட்டில் அறிவிப்பு வீடியோ இன்று(29/01/2025) மாலை 4 மணிக்கு வெளியிடப்படும் என படக்குழு புதிய போஸ்டர் மூலம் அறிவித்துள்ளது. அதில் சிவகார்த்திகேயன் கையில் தீ எறிந்து பாட்டிலுடன் இருக்கிறார். “தீ பரவட்டும், வைவால ரெவால்யூஷன்” என வரிகள் போஸ்டரில் இடம் பெற்றுள்ளன.திரைப்படத்திற்கு “பராசக்தி” என தலைப்பாக இருக்க முடியும் என எதிர்ப்பார்க்கப்படுகிறது. இப்படத்திற்கு ரசிகர்கள் மத்தியில் அதிக எதிர்ப்பார்ப்பு உருவாகியுள்ளது.
