தமிழில் தடையறத் தாக்க, தடம், மீகாமன் போன்ற தனித்துவமான ஆக்ஷன் படங்களை இயக்கிய மகிழ்திருமேனி, தற்போது நடிகர் அஜித் குமாரை வைத்து ‘விடாமுயற்சி’ எனும் படத்தை இயக்கியுள்ளார். இந்த படம் விரைவில் வெளியாகும் என எதிர்பார்க்கப்படுகிறது.
இயக்குனர் மகிழ்திருமேனி சமீபத்தில் அளித்த பேட்டியில் கூறியதாவது, “ஒரு நேரத்தில் நடிகர் விஜயிடம் மூன்று கதைகளை கூறினேன். மூன்றும் அவருக்கு மிகவும் பிடித்தது. அதில் ஒரு கதையை என்னையே தேர்வு செய்யச் சொல்லினார். நானும் ஒரு கதையை தேர்வு செய்து அவரிடம் கூறினேன், அது அவருக்கும் மிகவும் பிடித்துப் போனது.
ஆனால், அப்போது உதயநிதியின் கலகத்தலைவன் படத்தை முடித்து விட்டு இந்த படத்துக்கு செல்லுங்கள் என்று விஜய் கூறினார். இதனாலும் சில காரணங்களால் அந்த சமயத்தில் விஜய்யுடன் எனது படம் நடக்கவில்லை. எனினும், இன்னும் அந்த மூன்று கதைகளும் அவருக்காக காத்திருக்கிறது, என தெரிவித்தார்.
