இயக்குனர் கார்த்திக் சுப்புராஜ், தனது ‘பீட்சா’ படத்தின் மூலம் திரையுலகில் அறிமுகமானார். அதன் பிறகு ‘ஜிகர்தண்டா’, ‘பேட்ட’, ‘ஜிகர்தண்டா டபுள் எக்ஸ்’ போன்ற பல வெற்றி படங்களை கொடுத்து ரசிகர்களின் மனதில் நிலையான இடத்தை பெற்றுள்ளார்.
தற்போது, அவர் இயக்கத்தில் உருவாகும் புதிய திரைப்படம் ‘ரெட்ரோ’ ஆகும். இதில் சூர்யா கதாநாயகனாக நடிக்க, பூஜா ஹெக்டே கதாநாயகியாக நடித்துள்ளார். இந்த படம் மே 1-ஆம் தேதி வெளியாகும் என அறிவிக்கப்பட்டுள்ளது.
இயக்குனராக மட்டுமல்லாமல், தனது ஸ்டோன்பென்ச் நிறுவனம் மூலம் பல படங்களை தயாரித்து வருகிறார். ‘மெர்குரி’, ‘மேயாத மான்’, ‘பென்குயின்’ போன்ற படங்களை அவர் தயாரித்துள்ளார். இந்நிலையில், ஸ்டோன்பென்ச் நிறுவனம் தயாரிக்கும் மூன்று புதிய படங்களில் கதாநாயகியாக வளர்ந்து வரும் பிரபலமான நிஹாரிகா ஒப்பந்தமாகியுள்ளார். இதை ஸ்டோன்பென்ச் நிறுவனம் அதிகாரப்பூர்வமாக அறிவித்துள்ளது.
