மணிகண்டன் நடித்த குட் நைட் மற்றும் லவ்வர் என்ற இரு திரைப்படங்களும் கடந்த ஆண்டு வெளியாகி மக்கள் மத்தியில் நல்ல வரவேற்பைப் பெற்று, வணிக ரீதியிலும் வெற்றிப் படங்களாக அமைந்தன.
அதன் பின்னர், மணிகண்டன் ராஜேஷ்வர் காளிசாமி இயக்கத்தில் நடித்துள்ளார். இப்படத்துக்கு “குடும்பஸ்தன்” என பெயரிடப்பட்டுள்ளது. ராஜேஷ்வர் காளிசாமி, நக்கலைட்ஸ் யூடியூப் சேனலில் இயக்குநராக இருந்தவர், இத்திரைப்படம் அவரின் இயக்குனராக முதல் முயற்சியாகும். இப்படத்தில் தெலுங்கு நடிகை சான்வி மேக்னா கதாநாயகியாகவும், குரு சோமசுந்தரம் முக்கிய கதாபாத்திரத்தில் நடித்துள்ளனர்.
இத்திரைப்படம் நகைச்சுவையான குடும்ப பொழுதுபோக்கு திரைப்படமாக உருவாகியுள்ளது. இசையமைப்பாளராக வைசாக் பணியாற்றியுள்ளார். கடந்த மாதம் வெளியான “ஸீரோ பேலன்ஸ் ஹீரோ” பாடல் மக்களிடம் நல்ல வரவேற்பைப் பெற்றது. தற்போது படக்குழு, “குடும்பஸ்தன்” திரைப்படம் ஜனவரி 24ஆம் தேதி வெளியிடப்படும் என்று அறிவித்துள்ளது.
