இட்லி கடை படத்தில் நடிக்கிறாரா ப்ரிகிடா சகா?

யூடியூப்பில் வெளியான “ஆஹா கல்யாணம்” என்ற வெப்தொடரில் பவி டீச்சர் என்ற கதாபாத்திரத்தில் நடித்ததன் மூலம் பிரபலமான நடிகை ப்ரிகிடா சகா. இந்த வெற்றியின் பின்னர், பார்த்திபனுடன் உதவி இயக்குனராக பணியாற்றியதோடு, “இரவின் நிழல்” மற்றும் “கருடன்” போன்ற சில திரைப்படங்களில் நடித்தார்.

தற்போது, தனுஷ் இயக்கி நடித்து வரும் “இட்லி கடை” திரைப்படத்தில் ப்ரிகிடா சகா ஒரு முக்கியமான கதாபாத்திரத்தில் நடித்துள்ளார். இவருடைய காட்சிகளின் படப்பிடிப்பு தற்போது முடிவடைந்துள்ளதாக தகவல்கள் வெளியாகியுள்ளன.

இந்த திரைப்படத்தில் ஏற்கனவே ராஜ்கிரண், அருண் விஜய், நித்யா மேனன், ஷாலினி பாண்டே, சத்யராஜ் ஆகியோர் முக்கிய கதாபாத்திரங்களில் நடித்து வருவது குறிப்பிடத்தக்கது.