இயக்குநர் சுகுமார் இயக்கத்தில், அல்லு அர்ஜுன் நடித்த புஷ்பா திரைப்படம் 2021 ஆம் ஆண்டு வெளியாகி மிகச்சிறந்த வரவேற்பைப் பெற்றது. ராஷ்மிகா மந்தனா உள்ளிட்டோர் நடித்த இப்படத்திற்கு பிரபல இசையமைப்பாளர் தேவி ஸ்ரீ பிரசாத் இசையமைத்துள்ளார். புஷ்பா: 2 திரைப்படம் வரும் டிசம்பர் 5ஆம் தேதி திரைக்கு வர உள்ளது.
புஷ்பா: 2 உலக அளவில் 11,500-க்கும் அதிகமான திரைகளில் வெளியிடப்படும் வகையில் தயாரிப்பு நிறுவனம் திட்டமிட்டுள்ளது. இதற்கிடையில், நடிகை ராஷ்மிகா மந்தனா, தனது டப்பிங் பணிகளை தொடங்கியுள்ளதாக இன்ஸ்டாகிராம் பக்கத்தில் பகிர்ந்துள்ளார்.
அந்த பதிவில், படப்பிடிப்பு முடிவடைந்ததை எளிதாக ஏற்றுக்கொள்ள முடியாத அளவிற்கு வருத்தமாக உள்ளதாகவும், முதல் பகுதியுக்கான டப்பிங் முடிவடைந்து, இரண்டாம் பகுதியின் டப்பிங் பணிகள் நிறைவடையும் கட்டத்தில் இருப்பதாகவும் அவர் கூறியுள்ளார். மேலும், இந்த முறை சமந்தாவின் இடத்தில் ஸ்ரீ லீலா நடனமாடுவார் என்பதும் குறிப்பிடத்தக்கதாகும்.
