கார்த்திகேயா பட இயக்குனர் சந்து மொண்டேட்டி இயக்கத்தில் தெலுங்கில் நடிகர் நாக சைதன்யா நடிப்பில் உருவாகி வரும் படம் ‘தண்டேல்’. இப்படத்தை கீதா ஆர்ட்ஸ் நிறுவனம் தயாரிக்க, இசையமைப்பாளர் தேவிஸ்ரீ பிரசாத் இப்படத்திற்கு இசையமைக்கிறார்.
மீனவர் சமூகத்தை மையமாகக் கொண்டு உருவாகும் இப்படத்தில் கதாநாயகியாக சாய் பல்லவி நடிக்கிறார். இப்படத்தில் மிகமுக்கியமான கதாபாத்திரத்தில் நாக சைதன்யா நடிக்கிறார். நீண்ட இடைவெளிக்குப் பிறகு நாக சைதன்யா நடித்துள்ள இத்திரைப்படம் அவரது ரசிகர்களிடையே மிகப்பெரிய எதிர்பார்ப்பை ஏற்படுத்தியுள்ளது.
ஏற்கனவே இதன் படப்பிடிப்பு பெரும்பாலும் முடிவடைந்த நிலையில், இறுதிக்கட்டப் படப்பிடிப்பு தற்போது நடைபெற்று வருகிறது. இந்நிலையில், அடுத்த ஆண்டு பிப்ரவரி 7ம் தேதி இப்படம் வெளியிடப்படும் என படக்குழுவினர் பத்திரிகையாளர் சந்திப்பில் அறிவித்துள்ளனர்.
