நடிகர் அஜித்குமார் தற்போது “குட் பேட் அக்லி” படத்துக்காக வெளிநாட்டில் சூட்டிங்கில் உள்ளார். இதற்கு முன்பு, இப்படத்தின் படப்பிடிப்பு சென்னை, ஐதராபாத் உள்ளிட்ட இடங்களில் நடந்து, இப்போது வெளிநாடுகளில் தொடர்ந்து நடைபெற்று வருகிறது.
இந்த சூட்டிங்கிற்கான புகைப்படங்கள் தொடர்ந்து வெளியாகி, அஜித்தின் ஏராளமான ரசிகர்களை கவர்ந்து வருகின்றன. இந்த புகைப்படங்களில், அஜித் ஒவ்வொரு கெட்டப்பிலும் மாறுபட்ட தோற்றத்தில் இருக்கிறார். இதற்கிடையில், அஜித், அவரது மனைவி ஷாலினி மற்றும் மகன் ஆத்விக் உடன் சுற்றுலாவை மகிழ்ச்சியாக அனுபவித்து வருகிறார்கள்.
“குட் பேட் அக்லி” படத்தின் படப்பிடிப்பு மிகவும் விறுவிறுப்பாக நடந்து வருகிறது, மேலும் இந்த படம் 2025 பொங்கல் பண்டிகைக்கு வெளியிடப்படும் என எதிர்பார்க்கப்படுகிறது. இந்நிலையில், அஜித்துடன் இருக்கும் அழகான புகைப்படத்தை ஷாலினி தனது இன்ஸ்டாகிராமில் பகிர்ந்து, “Just love, just us” என கேப்ஷனுடன் பதிவிட்ட இந்த புகைப்படம் இப்போது சமூக வலைத்தளங்களில் ட்ரெண்டாகி வருகிறது.
