வெற்றிமாறன் இயக்கத்தில் சூரி மற்றும் விஜய் சேதுபதி இணைந்து நடித்து, கடந்த ஆண்டின் மார்ச் 31-ஆம் தேதி வெளியான “விடுதலை” திரைப்படம் பெரிய வரவேற்பைப் பெற்றது. இளையராஜா இப்படத்திற்கு இசையமைத்தார், மேலும் இந்த திரைப்படம் ரசிகர்களின் மத்தியில் மிகுந்த வரவேற்பை பெற்றது.
இந்தப் படத்தின் இரண்டாம் பாகம் வெளியாவதைப் பற்றிய அறிவிப்பை படக்குழு வெளியிட்ட நிலையில், ரசிகர்களின் எதிர்பார்ப்பை அதிகரிக்க முதலில் பாகத்தின் இறுதியில் இரண்டாம் பாகத்தின் சில காட்சிகளை வெற்றிமாறன் வைத்தார். இதனையடுத்து, “விடுதலை” படத்தின் இரண்டாம் பாகத்திற்கான படப்பிடிப்பு பல்வேறு இடங்களில் தொடர்ந்து நடைபெற்றது. இதில் விஜய் சேதுபதி, சூரி, மஞ்சு வாரியர் மற்றும் பலர் நடித்துள்ளனர்.
இந்த திரைப்படம் வரும் டிசம்பர் 20-ஆம் தேதி வெளியாக இருப்பதாக அறிவிக்கப்பட்டுள்ளது. இதன் டப்பிங் பணிகள் இன்று தொடங்கியது, இதில் விஜய் சேதுபதி, சூரி, போஸ் வெங்கட் மற்றும் வெற்றிமாறன் உள்ளிட்ட பலர் கலந்து கொண்டனர்.இந்த புகைப்படங்கள் இணையத்தில் வைரலாகி வருகின்றன.
