ஹிந்தியில் பேச வேண்டுமா? விருது வழங்கும் விழாவில் ஷாக்கான நடிகை மீனா!

நடிகை மீனா தமிழ் சினிமாவில் மிகவும் பிரபலமானவர். 90களில் அவர் நடித்த பல படங்கள் மெகா ஹிட்டாகி, அவரை ரசிகர்களின் கனவுக் கன்னியாக மாற்றியது. சூழ்நிலை இப்படியிருந்தபோது, வித்யாசாகரை திருமணம் செய்து கொண்டார். அவர்களுக்கு நைனிகா என்ற மகள் இருக்கிறார். அவர் “தெறி” படத்தில் விஜய்க்கு மகளாக நடித்தார்.

சமீபத்தில் ஒரு சினிமா விருது விழாவில் கலந்துகொண்ட மீனாவை, ஹிந்தியில் பேசுங்கள் என செய்தியாளர்கள் கேட்டனர். அதற்கு பதிலாக, டென்ஷனான மீனா, “ஹிந்தியில் பேச வேண்டுமா? அப்போது ஏன் என்னை ஏன் கூப்பிட்டீர்கள்? தென்னிந்தியர்கள் மட்டுமே வருவார்கள் என்று நினைத்தேன்” என்று கூறிவிட்டு, “தென்னிந்திய மொழி படங்கள் மிகவும் சிறப்பாக இருக்கின்றன. தென்னிந்தியராக இருப்பதில் மிகுந்த பெருமை கொள்கிறேன்” என்று கூறினார்.