விஜய் நடிப்பில் சமீபத்தில் வெளியான ‘தி கோட்’ படம் நல்ல வரவேற்பை பெற்றுள்ளது. இந்த படத்துக்கு பின்பு, அவர் தனது 69வது படத்தில் வினோத் இயக்கத்தில் நடிக்க உள்ளார். இந்த படத்தை முடித்த பின்பு, விஜய் சினிமாவுக்கு விடை கொடுத்து அரசியலுக்கு செல்ல திட்டமிட்டுள்ளார்.
இதனால், இந்த படம் அரசியல் சார்ந்த கமர்ஷியல் படமாக உருவாகிறது. பெங்களூரு அடிப்படையிலான கேவிஎன் நிறுவனம் இந்த படத்தை தயாரிக்கின்றது, மேலும் அனிருத் இசையமைக்கின்றார். சில நாட்களில் படப்பிடிப்பு தொடங்க உள்ளது.
இந்நிலையில், இந்த படத்தில் நடிக்கும் நடிகர்கள் பற்றிய அறிவிப்புகளை இன்று முதல் வெளியிடத் தொடங்கியுள்ளனர். முதல் அறிவிப்பாக, ஹிந்தி நடிகர் பாபி தியோல் நடிப்பார் என அறிவித்துள்ளனர். இவர் இந்த படத்தில் வில்லன் கதாபாத்திரத்தில் நடிப்பார் என கூறப்படுகிறது. இதற்கு முன்பு, சூர்யா உடன் கங்குவா படத்தில் நடித்த இவர், இப்போது விஜய்யின் படத்தில் இணைந்திருப்பது குறிப்பிடத்தக்கது.
