தேவாரா படத்தின் படப்பிடிப்பை நிறைவு செய்த ஜூனியர் என்டிஆர்… புகைப்படம் வெளியிட்டு மகிழ்ச்சி!

ஜூனியர் என்டிஆர் தற்போது கொரட்டலா சிவா இயக்கத்தில் உருவாகும் ‘தேவாரா’ படத்தில் நடித்து வருகிறார். இதில் ஜான்வி கபூர், சைப் அலிகான், பிரகாஷ் ராஜ், சைன் டாம் சக்கோ, ஸ்ரீகாந்த், கலையரசன் உள்ளிட்ட பலரும் முக்கிய கதாபாத்திரங்களில் நடிக்கின்றனர். கடலின் பின்னணியுடன் ஒரு ஆக்‌ஷன் படமாக உருவாகி வருகிறது.

இப்படத்தை யுவசுதா ஆர்ட்ஸ் மற்றும் என்.டி.ஆர் ஆர்ட்ஸ் இணைந்து தயாரிக்கின்றன, மற்றும் இசையை அனிரூத் அமைக்கிறார். இதுவரை இரண்டு பாடல்கள் வெளியிடப்பட்டு, நல்ல வரவேற்பைப் பெற்றுள்ளன.

இந்த படத்தின் அனைத்து காட்சிகளுக்கும் ஜூனியர் என்டிஆரின் படப்பிடிப்பு முழுமையாக முடிந்தது, இதை செப்டம்பர் 27ம் தேதி வெளியிட திட்டமிட்டுள்ளனர். இதனை அவர் தனது எக்ஸ் சமூக வலைதளத்தில் நேற்று பதிவிட்டுள்ளார்.