Touring Talkies
100% Cinema

Tuesday, March 11, 2025

Touring Talkies

டிடெக்டிவ் ஏஜெண்ட்டாக அசத்த வரும் மம்மூட்டி? கௌதம் மேனன் வைத்துள்ள சஸ்பென்ஸ்…

Share

- Advertisement -
- Advertisement -
- Advertisement -

இயக்குனர் கவுதம் மேனனின் பூர்வீகம் மலையாளம் தான் என்றாலும் இத்தனை வருடங்களில் தமிழில் மட்டுமே படங்களை இயக்கி வந்தார். இந்த நிலையில் முதன்முறையாக மலையாள திரையுலகில் அடி எடுத்து வைத்துள்ள கவுதம் மேனன், மம்முட்டி கதாநாயகனாக நடிக்கும் படத்தை இயக்கி வருகிறார். இந்தப் படத்தை நடிகர் மம்முட்டியே சொந்தமாக தயாரிக்கிறார். கடந்த சில தினங்களுக்கு முன்பு பூஜையுடன் துவங்கிய இந்த படத்தின் படப்பிடிப்பு தற்போது கேரளாவில் நடைபெற்று வருகிறது.

இந்த படத்தில் மம்முட்டி துப்பறியும் நிபுணர் கதாபாத்திரத்தில் நடிக்கிறார் என்று சொல்லப்பட்டு வருகிறது. அதிலும் குறிப்பாக வழக்கமான டிடெக்டிவ் கதாபாத்திரம் போல் இல்லாமல் பிரபலமான துப்பறியும் நிபுணர் ஷெர்லக் ஹோம்ஸ் பாணியில் இவரது கதாபாத்திரம் வடிவமைக்கப்பட்டுள்ளதாகவும் சொல்லப்படுகிறது.

ஒரு போலீஸ் அதிகாரியாக எண்ணற்ற படங்களில் துப்பறியும் பணியை செய்துள்ள மம்முட்டிக்கு ஒரு தனியார் டிடெக்டிவ் ஆக இந்த கதாபாத்திரம் சற்று வித்தியாசமானதாகவே இருக்கும் என எதிர்பார்க்கலாம்.அதுமட்டுமின்றி கௌதம் மேனன் படம் என்பதால் நிச்சயம் இதில் ஒரு சஸ்பென்ஸ் வைத்திருப்பார் என எதிர்பார்க்கப்படுகிறது.

- Advertisement -

Read more

Local News