சேகர் கம்முலா இயக்கத்தில் உருவாகி வரும் குபேரா படத்தில் நடித்து வரும் தனுஷ், குபேரா படத்தின் படப்பிடிப்பை இடைவிட்டு ராயன் படத்தின் இசை வெளியீட்டுக்காக வந்தார். ராயன் இசை வெளியீட்டை முடித்துவிட்டு நள்ளிரவிலேயே மீண்டும் விமானம் மூலம் குபேரா படத்தின் சூட்டிங்கில் பங்கேற்க கிளம்பிய வீடியோ தற்போது சமூக வலைதளங்களில் வெளியாகி வைரலானது. அவரது இந்த அர்ப்பணிப்பு ரசிகர்களை வெகுவாக கவர்ந்துள்ளது.
இந்த மாதத்துடன் குபேரா படத்தின் சூட்டிங்கும் நிறைவடையவுள்ள நிலையில், இந்த ஆண்டு இறுதியிலேயே குபேரா படம் வெளியிடப்படும் என கூறப்பட்டுள்ளது. இந்த படத்தில் தனுஷ், நாகார்ஜுனா மற்றும் ராஷ்மிகா மந்தனாவின் introduction வீடியோக்கள் வெளியானது ரசிகர்களை மிகப்பெரிய அளவில் கவர்ந்துள்ளது.
சேகர் கம்முலா இயக்கத்தில் உருவாகி வரும் இந்த படம் மிகப் பெரிய அளவில் ரசிகர்களின் எதிர்பார்ப்பை தூண்டியுள்ளது. இதனிடையே வரும் 26ம் தேதி வெளியிடப்படவுள்ள ராயன் படமும் மிகப்பெரிய அளவில் வரவேற்பையும் வசூலையும் குவிக்கும் என எதிர்பார்க்கப்படுகிறது. கடந்த ஜனவரி மாதத்தில் தனுஷ், பிரியங்கா மோகன் நடித்த கேப்டன் மில்லர் படம் ரசிகர்களின் வரவேற்பை பெற்று வசூலை குவித்த நிலையில் சர்வதேச அளவில் விருதுகளையும் குவித்து வருகிறது.
