2003 ஆம் ஆண்டில் தெலுங்கு திரைப்படமான ‘குறும்பு’ என்ற திரைப்படத்தை இயக்கி இயக்குனராக அறிமுகமாகினார் விஷ்ணுவர்தன். அதைத் தொடர்ந்து தமிழில் அறிந்து அறியாமலும், பட்டியல் போன்ற வெற்றி படங்களை இயக்கினார்.அஜித் நடிப்பில் 2007 ஆம் ஆண்டு வெளியான ‘பில்லா’ திரைப்படத்தை இயக்கினார்.
இப்படத்தில் அஜித்துடன் நயன்தாரா, நமிதா, ரகுமான், பிரபு, ஆதித்யா மேனன் முக்கிய கதாப்பாத்திரத்தில் நடித்து இருந்தனர். இப்படம் மாபெரும் வெற்றி பெற்றது. இயக்குனர் விஷ்ணுவர்தனுக்கு மிகப்பெரிய திருப்புமுனையாக இப்படம் அமைந்தது.அதைத்தொடர்ந்து தெலுங்கு சினிமாவில் பவன் கல்யாண் நடிப்பில் பஞ்சா திரைப்படத்தை இயக்கினார், ஆனால் இப்படம் மக்களிடையே கலவையான விமர்சனத்தை தான் பெற்றது.
மீண்டும் அஜித்தை வைத்து ஆரம்பம் திரைப்படத்தை இயக்கினார் இப்படமும் கலவையான விமர்சனங்களைப் பெற்றது.2021 ஆம் ஆண்டு ஷெர்ஷா எனும் இந்தி திரைப்படத்தை கரன் ஜோஹர் தயாரிப்பில் இயக்கியிருந்தார்.
இந்நிலையில் நீண்ட இடைவேளிக்கு பிறகு மீண்டும் விஷ்ணுவர்தன் தமிழில் படத்தை இயக்கவுள்ளார். இப்படத்தில் ஆகாஷ் முரளி மற்றும் அதிதி சங்கர் முன்னணி கதாப்பாத்திரத்தில் நடிக்கவுள்ளனர். இப்படத்தை மாஸ்டர் திரைப்படத்தை தயாரித்த XB 2பிலிம் கிரியேட்டர்ஸ் நிறுவனம் தயாரிக்கவுள்ளது.இப்படத்தின் டைட்டில் வரும் ஜூன் 11 ஆம் தேதி வெளியாகவுள்ளதாக படக்குழு கூறியுள்ளது.இப்படத்திற்கு நேசிப்பாயா என தலைப்பு இருக்கும் என எதிர்பார்க்கப்படுகிறது.
