ஜீவா நடித்துள்ள ‘தலைவர் தம்பி தலைமையில்’ படத்தின் டீஸர் வெளியீடு!

ஜீவா நடிப்பில் கடந்த ஆண்டு வெளியாகி நல்ல வரவேற்பைப் பெற்றது ‘ப்ளாக்’ படம். இதை பாலசுப்பிரமணி கேஜி இயக்கியிருந்தார். ஜீவாவின் ஜோடியாக பிரியா பவானி சங்கர் நடித்தார். இசை: சாம்.சி.எஸ். இந்த திரைப்படம் டைம் லூப் கதையமைப்பில் உருவாக்கப்பட்டு மக்களின் ஆதரவை பெற்றது.

இதன்பின் ஜீவாவின் 45-வது படம் ‘தலைவர் தம்பி தலைமையில்’ உருவாகி உள்ளது. இயக்குநர் நிதிஷ் சகாதேவ் இயக்கிய இப்படத்தை கண்ணன் ரவி குரூப்ஸ் நிறுவனம் தயாரித்துள்ளது.

சமீபத்தில் ஃபர்ஸ்ட் லுக் போஸ்டர் மற்றும் டீசர் வெளியாகி வரவேற்பைப் பெற்றுள்ளது. இப்படம் ஒரு கல்யாணத்தில் நடக்கும் பிரச்சனையை மையமாக கொண்டு ஆக்ஷன் நகைச்சுவை கலந்து உருவாகியுள்ளது.