விஜயகாந்தின் மகன் சண்முக பாண்டியன் நடிக்கும் புதிய திரைப்படத்திற்கு ‘வாணவேடிக்கை’ என தலைப்பு வைக்கப்பட்டுள்ளது. ‘தீராத விளையாட்டுப் பிள்ளை’ படத்தின் மூலம் இயக்குநராக அறிமுகமான திரு இப்படத்தை இயக்குகிறார். கேப்டன் சினி கிரியேஷன்ஸ் சார்பில் எல்.கே. சுதீஷ் தயாரிக்கும் இப்படத்தின் படப்பிடிப்பு சென்னையில் நடைபெற்று வருகிறது. சமீபத்தில் நடைபெற்ற பூஜையுடன் கூடிய தொடக்க நிகழ்வில், பிரேமலதா விஜயகாந்த் கேமராவை இயக்கி படப்பிடிப்பைத் தொடங்கி வைத்தார். தயாரிப்பாளர் எல்.கே. சுதீஷ் கிளாப் போர்டு அடிக்க முதல் காட்சி படமாக்கப்பட்டது. இயக்குநர்கள் சுசீந்திரன், ஜெயம் ராஜா உள்ளிட்டோர் நிகழ்வில் பங்கேற்றனர்.
சரவணன், இயக்குநர் தமிழ், அம்மா கிரியேஷன்ஸ் சிவா, கலை இயக்குநர் கிரண், ஜெயப்பிரகாஷ், ஸ்டில்ஸ் பாண்டியன், கும்கி அஸ்வின், சாரா, படூர் ரமேஷ் உள்ளிட்ட பலரும் படத்தின் நட்சத்திர பட்டியலில் இடம்பெற்றுள்ளனர். இயக்குநர் திரு, ‘சத்யம்’ படத்தின் இயக்குநர் ஏ. ராஜசேகரிடம் உதவி இயக்குநராகப் பணியாற்றிய அனுபவத்தைத் தொடர்ந்து, 2010-ம் ஆண்டு விஷால் நடித்த ‘தீராத விளையாட்டுப் பிள்ளை’ மூலம் இயக்குநர் பொறுப்பை ஏற்றார். தற்போது உருவாகி வரும் ‘வாணவேடிக்கை’ படத்திற்கு சாம் சி.எஸ். இசையமைக்கிறார்.
விஜயகாந்தின் 74-வது பிறந்தநாளை முன்னிட்டு ‘வாணவேடிக்கை’ படத்தின் புதிய அப்டேட்டை படக்குழு வெளியிட்டுள்ளது. சண்முக பாண்டியன் ஏற்று நடிக்கும் கதாபாத்திரத்தின் அறிமுக வீடியோ தற்போது வெளியாகியுள்ளது. அதில் அவர் ‘பூங்குன்றன்’ என்ற கதாபாத்திரத்தில் தோன்றுகிறார். படத்தின் கதைக்களம் மற்றும் அவரது கதாபாத்திரம் குறித்த எதிர்பார்ப்பை இந்த அறிமுக வீடியோ மேலும் அதிகரித்துள்ளது.
