இந்தியத் திரையுலகத்தில் மும்பையை மையமாகக் கொண்டுதான் ஹிந்திப் படங்கள் வெளியாகின்றன. ஆனால், அந்த மாநிலத்தின் மொழியான மராத்தியில் ஹிந்திப் படங்களை விட குறைவான படங்களே வெளியாகின்றன. ரிதேஷ் தேஷ்முக் எழுதி நாயகனாக நடித்துள்ள மராத்தி திரைப்படம் ‘ராஜா சிவாஜி’. நேற்று மே 1ம் தேதி வெளியான இந்தப் படத்தில் சஞ்சய் தத், அபிஷேக் பச்சன், வித்யா பாலன், மகேஷ் மஞ்ரேக்கர், ஜெனிலியா, பர்தீன் கான், பாக்யஸ்ரீ, சச்சின் கடேகர், பொமன் இரானி மற்றும் பலர் நடித்துள்ளனர்.இந்தப் படம் முதல் நாள் வசூலாக புதிய சாதனையைப் படைத்துள்ளது. மராத்தி மொழியில் இதுவரையில் வெளியான படங்கள் புரியாத சாதனையாக முதல் நாளில் 12 கோடியே 40 லட்சம் வசூலைப் பெற்றுள்ளது. தயாரிப்பு நிறுவனம் இதை அதிகாரப்பூர்வமாக அறிவித்துள்ளது.
