பிரபல தெலுங்கு நடிகர் அல்லரி நரேஷ், தற்போது ஒரு திரில்லர் திரைப்படத்தில் நடித்து வருகிறார். இப்படத்தை புதுமுக இயக்குநர் நானி காசர்கட்டா இயக்க, ஸ்ரீனிவாசா சில்வர் ஸ்கிரீன் நிறுவனத்தின் சார்பில் ஸ்ரீனிவாசா சித்தூரி தயாரிக்கிறார். இப்படம் தமிழ் மற்றும் தெலுங்கு மொழிகளில் வெளியாகிறது.
இத்திரைப்படத்தில், ‘பொலிமேரா’ வெப் தொடரில் நடித்த நடிகை டாக்டர் காமக்சி பாஸ்கர்லா, கதாநாயகியாக நடிக்கிறார். மேலும், சாய் குமார், விவா ஹர்ஷா, கெட்அப் ஸ்ரீனு, சதாம், ஜீவன் குமார், ககன் விஹாரி, அனிஷ் குருவில்லா மற்றும் மதுமணி உள்ளிட்ட பலர் முக்கிய கதாபாத்திரங்களில் நடித்துள்ளனர்.
இந்தப் படத்தின் டைட்டில் டீசர் அண்மையில் வெளியிடப்பட்டது. படக்குழுவினர் இப்படத்திற்கு ’12ஏ ரெயில்வே காலனி’ என தலைப்பு வைத்துள்ளனர். மேலும், இந்த திரைப்படம் வரவிருக்கும் கோடை விடுமுறையில் திரையரங்குகளில் வெளியாக இருக்கிறது.
