பாண்டிச்சேரியில் நடிகர் ரஜினிகாந்த் நடிக்கும் வேட்டையன் படத்தின் படப்பிடிப்பு நிறைவடைந்தது. அடுத்தக்கட்ட படப்பிடிப்பு இன்னும் சில நாட்களில் தொடங்கவுள்ள நிலையில், இம்மாதம் முழு படப்பிடிப்பும் முடிவடையும் என்று படக்குழு சார்பில் தெரிவிக்கப்பட்டுள்ளது. வேட்டையன் படம் போலி என்கவுன்டர்களுக்கு எதிரான கருத்துகளை வெளிப்படுத்தும் படமாக இருக்கும் என கூறப்படுகிறது.
நடிகர் ரஜினிகாந்த். அமிதாப் பச்சன், ராணா டக்குபதி, மஞ்சு வாரியர், ரித்திகா சிங் மற்றும் பல பிரபலங்கள் முக்கிய கதாபாத்திரங்களில் நடித்துள்ளனர். டி.ஜே.ஞானவேல் இயக்கும் இப்படத்தின் படப்பிடிப்பு சென்னை, ஹைதராபாத் மற்றும் மும்பையில் நடந்து முடிந்துள்ளது.
பாண்டிச்சேரியில் நடந்த படப்பிடிப்பில் நடிகர்கள் ரஜினிகாந்த், ரித்திகா சிங், ராணா உள்ளிட்டோர் நடித்த காட்சிகள் படமாக்கப்பட்டதாக கூறப்படுகிறது.
வேட்டையன் படத்தின் அடுத்த கட்ட படப்பிடிப்பு மே 13-ம் தேதி சென்னையில் தொடங்கும் என படக்குழு அறிவித்துள்ளது. இப்படத்தின் படப்பிடிப்பு சென்னையில் உள்ள கோகுலம் ஸ்டுடியோவில் தொடங்கவுள்ளதாக தகவல் வெளியாகி உள்ளன.
