மகிழ் திருமேனி இயக்கத்தில் உருவாகி வரும் “விடாமுயற்சி” திரைப்படத்தில் அஜித்குமார் நடித்து வருகிறார். இதில் அவருக்கு ஜோடியாக திரிஷா நடிக்கிறார். இது அஜித்தின் 62வது ஆக்ஷன் படமாகும். இந்தப் படத்தில் வில்லனாக நடிகர் அர்ஜுன் மற்றும் ஆரவ் நடித்துள்ளார்கள். நடிகைகள் ரெஜினா கசாண்ட்ரா, பிரியா பவானி ஷங்கர் உள்ளிட்ட பலரும் இதில் முக்கிய கதாபாத்திரங்களில் நடிக்கின்றனர். இந்தப் படத்தை ‘லைகா’ நிறுவனம் சார்பில் சுபாஸ்கரன் தயாரிக்கிறார். அனிருத் இசையமைக்கிறார்.
இந்தப் படத்தின் படப்பிடிப்பு கடந்த ஆண்டு அக்டோபரில் அஜர்பைஜானில் தொடங்கியது. அதன் பின்னர் வடமாநிலம் உள்ளிட்ட பல்வேறு இடங்களில் நடைபெற்றது. இந்தப் படத்தில் அஜித்குமார் ‘டூப்’ இல்லாமல் துணிச்சலாக நடித்துள்ள வீடியோ வெளிவந்து பெரும் வரவேற்பைப் பெற்றது. இதனால், இந்தப் படத்தின் மீதான எதிர்பார்ப்பு அதிகரித்தது.திடீரென, இப்படத்தின் 70% படப்பிடிப்பு முடிவடைந்த நிலையில் படப்பிடிப்பு நிறுத்தப்பட்டது. இதனால் அஜித், ஆதி ரவிசந்திரன் இயக்கத்தில் ‘குட் பேட் அக்லி’ படத்தில் நடிக்கிறார் என்ற தகவல் வெளியானது. இதனால், “விடாமுயற்சி” படத்தைக் கைவிட்டதாக சமூக வலைத்தளங்களில் வதந்திகள் பரவின.
தற்போது, “விடாமுயற்சி” படத்தின் அடுத்தகட்ட படப்பிடிப்பு இம்மாத இறுதியில் துவங்கவுள்ளது என்று நடிகர் அர்ஜுன் அறிவித்தார். இந்நிலையில், நடிகர் அஜித் குமாரின் ‘விடாமுயற்சி’ படப்பிடிப்பு அஜர்பைஜானில் மீண்டும் தொடங்கியுள்ளது. படத்தின் சண்டைக் காட்சிகள் படமாக்கப்படும் வீடியோவை பகிர்ந்து அஜித்குமாரின் மேலாளர் சுரேஷ் சந்திரா அப்டேட் செய்துள்ளார்.
