நடிகர் ஆர்.ஜே.பாலாஜி காமெடி நடிகராகவும், ஹீரோவாகவும், இயக்குநராகவும் தன்னை வளர்த்துக் கொண்டவர்.இப்போது அவர் “சொர்க்கவாசல்” என்ற திரைப்படத்தில் நாயகனாக நடித்து வருகிறார். இதற்குப் பிறகாக நடிகர் சூர்யாவின் 45வது படத்தை இயக்கவுள்ளார்.
இதற்கான வேலைகளை நடாத்தி வரும் அவர், மறுபுறம் சில படங்களில் கதாநாயகனாக நடிக்கத் தேர்வு செய்து வருகிறார்.”குட் நைட்”, “லவ்வர்” போன்ற படங்களை தயாரித்த மில்லியன் டாலர் புரொடக்ஷன்ஸ் தயாரிப்பில் அறிமுக இயக்குநர் அம்மாமுத்து சூர்யா இயக்கத்தில் உருவாகும் “ஹேப்பி எண்டிங்” படத்தில் ஆர்ஜே பாலாஜி நடித்து வருகிறார்.
இந்த படத்திற்காக சான் ரோல்டன் இசையமைக்கிறார். இந்த தகவலை படத்தின் தலைப்பு மற்றும் டீசர் மூலம் இன்று வெளியிட்டுள்ளனர். ஆர்ஜே பாலாஜியின் வாழ்க்கையில் ஏற்படும் பல்வேறு காதல் அனுபவங்களை மையமாகக் கொண்டு இப்படம் உருவாகி இருப்பதாக தெரிகிறது.
