விஜய் சேதுபதி, சூரி நடிப்பில் வெற்றிமாறன் இயக்கிய விடுதலை படத்தின் முதல் பாகம் கடந்த ஆண்டு மார்ச் மாதம் வெளியான நிலையில், தற்போது விடுதலை படத்தின் இரண்டாம் பாகத்தின் படப்பிடிப்பு நடைபெற்று வருகிறது. விஜய் சேதுபதி, மஞ்சுவாரியர் உள்ளிட்ட சிலர் நடித்து வருகிறார்கள்.
கடந்த ஒன்றரை ஆண்டுகளாக இப்படத்தின் படப்பிடிப்பு நடைபெற்று வரும் நிலையில் இந்த ஆண்டு இறுதியில் விடுதலை 2 திரைக்கு வர உள்ளது. மேலும் இந்த விடுதலை 2 படத்திற்காக படமாக்கப்பட்டுள்ள காட்சிகளின் ரன்னிங் டைம் 4 மணி நேரம் இருப்பதால் இரண்டாம் பாகத்திற்கு போக மீதம் உள்ள காட்சிகளை விடுதலை படத்தின் மூன்றாம் பாகமாக வெளியிடவும் வெற்றி மாறன் திட்டமிட்டிருப்பதாக கூறப்படுகிறது.
அதோடு மூன்றாம் பாகத்திற்கு தேவைப்படும் பட்சத்தில் மேலும் சில காலம் படப்பிடிப்பு நடத்துவதற்கும் திட்டமிட்டு இருக்கும் வெற்றிமாறன், விடுதலை 3 படத்தை இன்னும் இரண்டு ஆண்டுகள் கழித்து வெளியிட முடிவு செய்துள்ளாராம்.
