நடிகர் அஜித், ‘துணிவு’ படத்தை தொடர்ந்து ‘விடாமுயற்சி’ திரைப்படத்தில் நடித்துள்ளார். இந்த படத்தை மகிழ் திருமேனி இயக்கியிருக்கிறார், மற்றும் இசையமைப்பாளராக அனிருத் பணியாற்றியுள்ளார். இப்படத்தில் அர்ஜுன், திரிஷா, ரெஜினா, சந்தீப் கிஷன், ஆரவ் உள்ளிட்ட பலர் முக்கியக் கதாபாத்திரங்களில் நடித்துள்ளனர். ஒளிப்பதிவு பணிகளை ஓம் பிரகாஷ் மேற்கொண்டுள்ளதுடன், படத்தொகுப்பு பணிகளை என்.பி. ஸ்ரீகாந்த் செயல்படுத்தியுள்ளார்.
லைகா நிறுவனம் தயாரித்துள்ள இப்படம் வருகிற பிப்ரவரி 6-ஆம் தேதி வெளியீடாக உள்ளது. ‘விடாமுயற்சி’ படத்தின் டிரெய்லர் சமீபத்தில் வெளியானதை அடுத்து, ரசிகர்களிடையே நல்ல வரவேற்பை பெற்றுள்ளது. இதன் பின்னர் ‘சவதீகா’ மற்றும் ‘பத்திக்கிச்சி’ ஆகிய இரண்டு பாடல்களும் வெளியாகி, ரசிகர்களிடையே நல்ல வரவேற்பைப் பெற்றுவருகின்றன. தற்போது, திரைப்படத்தின் வெளியீட்டிற்கான பின்னணி வேலைகள் முழு வேகத்தில் நடைபெற்று வருகின்றன.
இந்த திரைப்படம் 800-க்கும் மேற்பட்ட திரையரங்குகளில் வெளியாவுள்ளதாக தகவல் வெளியாகியுள்ளது. இந்த நிலையில், இசையமைப்பாளர் அனிருத், ‘விடாமுயற்சி’ படத்திற்கான இறுதிக்கட்ட இசைக்கோர்ப்பு பணிகளில் தீவிரமாக ஈடுபட்டு வருகிறார். குறிப்பாக, படத்தின் பின்னணி இசையில் அதிக கவனம் செலுத்தி வருவதாகவும் கூறப்படுகிறது. இதுகுறித்த புகைப்படம் சமீபத்தில் இணையத்தில் வெளியாகி, வைரலாகி வருகிறது.
