நடிகர் சூர்யாவின் 44-வது திரைப்படமான ‘ரெட்ரோ’யை இயக்குநர் கார்த்திக் சுப்பராஜ் இயக்கியுள்ளார். இந்த படத்தை சூர்யாவின் 2டி என்டர்டெயின்மென்ட் மற்றும் கார்த்திக் சுப்பராஜின் ஸ்டோன் பென்ச் நிறுவனங்கள் இணைந்து தயாரித்துள்ளன. இப்படத்திற்கு இசையமைப்பாளராக சந்தோஷ் நாராயணன் பணியாற்றியுள்ளார்.
இந்த படத்தில் பூஜா ஹெக்டே கதாநாயகியாக நடித்திருக்கிறார். மேலும், ஜெயராம், கருணாகரன், ஜோஜு ஜார்ஜ் மற்றும் சுஜித் ஷங்கர் ஆகியோர் முக்கிய கதாப்பாத்திரங்களில் நடித்துள்ளனர். இந்த படம் வருகிற மே 1-ம் தேதி தொழிலாளர் தினத்தன்று திரையரங்குகளில் வெளியாகும் என அறிவிக்கப்பட்டுள்ளது. முன்னதாக வெளியான டீசரும், முதல் பாடலும் ரசிகர்களிடையே நல்ல வரவேற்பைப் பெற்றன.
இதற்கு முன்பாக, இப்படத்தின் படப்பிடிப்பு காட்சிகள் காமிக்ஸ் வடிவில் வெளியிடப்பட்டிருந்தன. மேலும், வாரத்திற்கு ஒரு எபிசோட் என்ற முறையில் அந்தக் காட்சிகளை படக்குழு தொடர்ந்து வெளியிட்டு வருகிறது. இந்தச் சூழலில் தற்போது ஒன்பதாவது எபிசோட் வெளியாகியுள்ளது. இதில் ‘கனிமா’ பாடலுக்கான படப்பிடிப்பு காட்சிகள் காமிக்ஸ் வடிவில் இடம்பெற்றுள்ளன. இந்த எபிசோட் ரசிகர்களிடம் பெரிதும் வரவேற்பைப் பெற்று சமூக வலைத்தளங்களில் வைரலாகி வருகிறது.
