சூர்யா மற்றும் பூஜா ஹெக்டே இணைந்து நடித்துள்ள ‘ரெட்ரோ’ திரைப்படத்தின் இசை வெளியீட்டு விழா நேற்று சென்னையில் நடைபெற்றது. இதில் கலந்து கொண்டு பேசிய இயக்குநர் கார்த்திக் சுப்புராஜ், “ரெட்ரோ எனக்கு மிகவும் தனிப்பட்ட ஒரு சிறப்பு திரைப்படமாகும்.
பொதுவாக எனக்கு கேரக்டர்களில் கிரே ஷேட்கள் இருப்பது மிகவும் பிடிக்கும். அதேபோல, ஒரு லவ் ஸ்டோரி இயக்க வேண்டும் என்பதும் என் ஆசை. ‘என்னுடைய கண்ணாடி பூவே’ என்பது சத்யாவை குறிக்கிறது; அவர் என் மனைவி. அவருக்கு ஆக்ஷன் வகை படங்கள் பிடிக்காது. எப்போதும் என்னிடம் ‘லவ் ஸ்டோரி’ செய்யுமாறு கேட்டுக்கொண்டே இருந்தார்” என்று தெரிவித்தார். மேலும், “மௌனம் பேசியதே என்பது எனக்கு மிகவும் பிடித்த திரைப்படம்.
இந்த படத்தின் கதையை நான் பல ஆண்டுகளுக்கு முன்னரே எழுதி வைத்திருந்தேன். மனதில் எந்த ஓர் மூடுபாட்டும் இல்லாமல் படத்தை காணுங்கள். ‘நாம் கலைவெற்றியை தேர்வு செய்வதில்லை, கலைதான் நம்மை தேர்வு செய்கிறது’ என்பதில் எனக்கு நம்பிக்கை மிகுந்தது. பல வருடங்களாக இந்தக் கதையை உருவாக்க முடியாமல் இருந்தது.
நான் சூர்யா சாரின் மிகப்பெரிய ரசிகன். அவருடைய ‘மௌனம் பேசியதே’ எனக்கு மிகவும் பிடித்த படம். எனது இன்ஜினியரிங் நாட்களில், நாங்கள் மக்களிடம் பேசாமல் இருந்த காலத்தில், அந்த படம் பார்த்தபின்பு நாங்கள் ‘சார் மாதிரி இருக்கணும்’ என கூறுவோம். இந்த படம் உங்களை எந்த வகையிலாவது ஈர்க்கும் என உறுதியாய் நினைக்கிறேன். படம் எடுக்கும்போது எங்கே சென்றாலும் மழை எங்களை பின்தொடர்ந்தது. சில மழை காட்சிகள் திட்டமிடாதபோதும், மழையில் படம் எடுத்தோம். சூர்யா சார் மற்றும் குழுவினர் அதற்காக முழு ஒத்துழைப்பு வழங்கினர். இந்தப் படத்தை கொடுக்கும்போது யாரிடமும் தனியாக நன்றி சொல்ல முடியாது, ஏனெனில் இது அனைவரும் இணைந்து உருவாக்கிய படம்” என்று கூறினார்.
