2019ஆம் ஆண்டு வெளிவந்த ‘தி லயன் கிங்’ என்ற லைவ்-ஆக்ஷன் திரைப்படத்தின் மாபெரும் வெற்றிக்குப் பின்னர், ‘முஃபாசா: தி லயன் கிங்’ என்ற புதிய லைவ்-ஆக்ஷன் படம் ரசிகர்களுக்கு சிறப்பான அனுபவத்தை அளிக்க வருகிறது. இந்த திரைப்படம் 2024 ஆம் ஆண்டு டிசம்பர் 20ம் தேதி ஆங்கிலம், இந்தி, தமிழ் மற்றும் தெலுங்கு ஆகிய மொழிகளில் இந்திய திரையரங்குகளில் வெளியாக உள்ளது.
தமிழில் மொழிமாற்றம் செய்யப்பட்ட இப்படத்தில், முஃபாசாவுக்கு அர்ஜுன் தாஸ் குரலளிக்க, டாக்காவுக்கு அசோக் செல்வன் குரலளிக்கின்றனர். அதேசமயம், ரோபோ சங்கர் மற்றும் சிங்கம் புலியின் பிரபலமான பும்பா மற்றும் டிமோன் ஜோடி மீண்டும் இணைகின்றனர். மேலும், வி.டி.வி கணேஷ் இளம் ரஃபிக்கி கதாபாத்திரத்தில் குரல் கொடுக்க, பழம்பெரும் நடிகர் எம். நாசர் கிரோஸ் கதாபாத்திரத்தில் நடிக்கின்றார்.
இந்த லைவ்-ஆக்ஷன் திரைப்படம் பிரமிக்க வைக்கும் கதாபாத்திரங்களை, ஃபோட்டோரியல் கம்ப்யூட்டர் கிராஃபிக்ஸ் மூலம் உயிரூட்டியுள்ளது. பேரி ஜென்கின்ஸ் இயக்கிய இப்படம், பிரைட் லாண்ட்ஸின் அரசன் முஃபாசா எப்படி தனது ஆட்சியை ஆரம்பித்தார் என்பதை கூறுகிறது.இந்த கதையில், ஆதரவற்ற குட்டியான முஃபாசா மற்றும் அரச குடும்ப வாரிசான டாக்கா ஆகியோர் பரஸ்பர விரோதமான வாழ்க்கை நிலையிலும், வித்தியாசமான நட்புகளை உருவாக்கி பயணத்தை மேற்கொள்கின்றனர். திரைப்படம் அதன் நுட்பமான காட்சிப்படுத்தலால் ரசிகர்களை கவரும் என எதிர்பார்க்கப்படுகிறது.
