நாவல்களையும், சிறுகதைகளையும் படமாக்கும் முயற்சியில் வெற்றிமாறன் இப்போது தீவிரமாக இறங்கியுள்ளார். அப்படி அவர் இயக்கிய “விசாரணை”, “அசுரன்” ஆகிய படங்கள் இந்திய அளவில் கவனம் ஈர்த்தன. அதேபோல் சி.சு.செல்லப்பா எழுதிய “வாடிவாசல்” என்ற குறுநாவலை அதே பெயரிலேயே வெற்றிமாறன் படமாக்கவிருக்கிறார்.
“வாடிவாசல்” படத்தின் டெஸ்ட் ஷூட் முடிந்துவிட்டாலும் படத்தின் ஷூட்டிங் ஆரம்பிக்கப்படவே இல்லை. “விடுதலை” படத்தை முடித்துவிட்டு “வாடிவாசல்” படத்தை தொடங்க வெற்றி திட்டமிட்டிருந்தார். ஆனால் அவர் எதிர்பார்க்காதபடி “விடுதலை” படத்தை இரண்டு பாகங்களாக உருவாக்கும் சூழல் ஏற்பட்டது. இதனையடுத்து அவர் “விடுதலை”க்கு சென்றுவிட, சூர்யா “கங்குவா”வில் பிஸியானார். இதனால் “வாடிவாசல்” படத்தின் பணிகள் தள்ளிப்போய்க்கொண்டே இருந்தன. மேலும் படம் ட்ராப் ஆகிவிட்டதாகவும் கடந்த சில மாதங்களாகவே ஒரு தகவல் ஓடிக்கொண்டிருந்தது.
இந்நிலையில் “வாடிவாசல்” படம் பற்றிய புதிய தகவல் ஒன்று வெளியாகியுள்ளது. அதன்படி “விடுதலை 2” பணிகளை வெற்றிமாறனும், “கங்குவா” பணிகளை சூர்யாவும் முடித்திருப்பதால் இருவரும் “வாடிவாசல்”க்கு செல்ல திட்டமிட்டிருக்கிறார்களாம். எனவே படத்தின் ஷூட்டிங் விரைவில் தொடங்கும் என்று கோலிவுட்டில் புதிய பேச்சு எழுந்துள்ளது. இது சூர்யா ரசிகர்களிடையே மிகுந்த மகிழ்ச்சியை ஏற்படுத்தியுள்ளது.
