மலையாளத்தில் முன்னணி நடிகையாக இருந்தவர் மஞ்சிமா மோகன். தமிழில் ‘அச்சம் என்பது மடமையடா’ படத்தின் மூலம் அறிமுகமானார். அதன் பிறகு சத்ரியன், இப்படை வெல்லும், களத்தில் சந்திப்போம், துக்ளக் தர்பார், எப்ஐஆர் போன்ற பல படங்களில் நடித்தார். ஜெயலலிதாவின் பயோபிக்கில் நடிக்க வேண்டும் என்று திட்டமிட்டிருந்தார். ஆனால் அந்த திட்டம் தொடங்கப்படவில்லை. ‘தேவராட்டம்’ படத்தில் இணைந்து நடித்த கவுதம் கார்த்திக்குடன் காதலித்து திருமணம் செய்துகொண்டார்.
பின்னர் சில ஆண்டுகள் நடிக்காமல் இருந்தார். அந்த சமயத்தில் அவர் உடல் எடை கணிசமாக உயர்ந்தது. திருமணத்திற்கு பிறகு அவர் கடுமையான உருவ கேலிகளை சந்தித்தார். கவுதம் கார்த்திக்கின் அக்கா போல இருக்கிறார் என்றெல்லாம் விமர்சித்தார்கள். இதற்காக அவர் உணர்ச்சிவசப்பட்ட பதிவையும் வெளியிட்டார்.
இந்நிலையில் தனது உடல் எடையை கணிசமாக குறைத்து ஸ்லிம் ஆகியுள்ளார். இந்த படங்களை அவர் தனது சமூகவலைத்தளங்களில் வெளியிட்டுள்ளார். உருவ கேலி செய்தவர்களுக்கு தனது உழைப்பால் பதிலளித்துள்ளார்.
