சென்னையில் ‘மார்ச்சுவரி’ வேன் ஓட்டுபவர் விமல். அவர், ஒரு நிறைமாத கர்ப்பிணியை பிரசவத்திற்காக தனியார் மருத்துவமனையில் சேர்த்து வைத்துள்ளார். அதற்குத் தேவையான பணத்தை ஏற்படுத்துவதற்காக, தன் வேனில் ஒரு ‘பிணத்தை’ ஏற்றி திருநெல்வேலிக்குச் செல்கிறார். வழியில் கருணாஸ் லிப்ட் கேட்டு விட்டு, வேனில் ஏறுகிறார். விமலின் வேனில் பிணமாக இருப்பவருக்கு இரண்டு மனைவிகள் உள்ளனர். முதல் மனைவியின் மகனான ஆடுகளம் நரேன், தன் உரிமையை விட்டுவிட்டு ராமல் இறுதிச்சடங்கு செய்ய வேண்டும் என நினைக்கிறார். ஆனால், அந்த உரிமையை வழங்கக் கூடாது என, இரண்டாவது மனைவியின் மகனாகிய பவன் போராடுகிறார். இறப்பதற்கு முன் அப்பாவைப் பார்த்தவர் பவன். சென்னை எங்கிருந்து புறப்பட்ட விமல், வழியில் ஒரு காதல் ஜோடிக்கும் லிப்ட் தருகிறார். ஒரு இடத்தில் சிறிது ஓய்வெடுக்கும்போது, வேனில் இருந்த பிணம் காணாமல் போகிறது. இதன் பின்னர் என்ன நடக்கிறது என்பதுதான் கதையின் மீதிப் பகுதியாகும்.
சென்னைத் தமிழ் பேசும் வேன் டிரைவராக நடித்திருக்கும் விமல், இதற்கு முன் மதுரைத் தமிழில் நடித்திருந்தாலும், இங்கே சென்னைத் தமிழில் தன் கதாபாத்திரத்தை சற்று தட்டுத்தடுமாறிப் பேசி சாதிக்கிறார். பிரசவத்திற்காக மனைவியை மருத்துவமனையில் சேர்த்தும், அதற்கான செலவுகளை ஏற்படுத்தும் அழுத்தம் ஒருபுறம், தன் வேனை தள்ளுவதற்கு கருணாஸை ஏற்றிக் கொண்டதால் ஏற்படும் தொந்தரவுகள் மறுபுறம், திடீரென பிணம் காணாமல் போகும்போது அதை எப்படிச் சமாளிப்பது என்பதில் சிக்கிவிடும் அவனைப் பார்த்து அனுதாபம் உண்டாகிறது.
முன்னாள் தெருக்கூத்து கலைஞராக நடித்திருக்கும் கருணாஸ், கூத்துக் கலை வாழ வேண்டும் என்பதில் ஆர்வமாயும், கிராமத்து மனிதர்கள் வெள்ளந்தியானவர்கள் என்பதையும் காட்டுகிறார். விமலை அவ்வப்போது தொந்தரவுபடுத்தினாலும், காதல் ஜோடிக்கு அடைக்கலம் கொடுக்க வற்புறுத்தும் போது, அவனுக்குள் இருக்கும் ஈரமான தன்மையையும் வெளிப்படுத்துகிறார். ஆனால், அந்த ஈரம் எப்படி இருப்பதென்பது கிளைமாக்ஸில் தெரியும் போது மிகுந்த அதிர்ச்சியையும், சினிமா உணர்வையும் ஏற்படுத்துகிறது.
விமல் மற்றும் கருணாஸ் வேனில் பயணம் செய்தபடி, கதையில் ஆடுகளம் நரேன் மற்றும் பவன் ஆகியோருக்கிடையேயான பகையும், அப்பா மீதான பாசமும் பயணிக்கிறது. நரேனுக்கு காட்சிகள் குறைவாக இருந்தாலும், பவனுக்கு முக்கியத்துவம் அதிகமாக இருப்பதால் அவரின் நடிப்புக்கும் முக்கியத்துவம் கிடைத்துள்ளது. காதல் ஜோடிகளை மன்னிக்கும்படி அம்மாவின் காலில் விழும் அருள்தாஸ், அப்பாவுக்கு செய்யும் சடங்கை விட்டுத்தர முடியாது என்று தம்பி பவனுக்கு ஆதரவாக இருக்கும் தீபா சங்கர் ஆகியோர் நன்றாக நடித்துள்ளனர். விமலின் மனைவியாக மேரி ரிக்கெட்ஸ் சில காட்சிகளில் மட்டும் தோன்றி மறைகிறார்.
பயணக் கதைகளில் ஒளிப்பதிவாளரின் பங்கு மிகப்பெரியது. பல்வேறு கோணங்களில் அந்தப் பயணத்தை காட்டும் திறமையான ஒளிப்பதிவை டெமில் சேவியர் எட்வர்ட்ஸ் சிறப்பாக செய்துள்ளார். என்ஆர் ரகுநந்தனின் பின்னணி இசை, உணர்வுப்பூர்வமான காட்சிகளுடன் பொருந்தி பயணிக்கிறது.திரைக்கதையில் சில ‘பட்டி, டிங்கரிங்’ வேலைகளைப் பார்த்திருந்தால், பயணத்தில் வேகக் குறைவு இல்லாமல் இருந்திருக்கும். அடுத்தவருக்கு உதவும் குணம் பற்றிய கருத்தை மிகையில்லாமல் கொடுத்திருக்கிறார் இயக்குனர். வழக்கமான கதைகளிலிருந்து மாறுபட்ட கதைகள் வருவதும் ஆரோக்கியமானது.
