அல்லு அர்ஜூன் நடிப்பில் வெளியான “புஷ்பா 2” படம் திரையரங்குகளில் மிகப்பெரிய வெற்றியைப் பெற்று, வசூலிலும் சாதனை படைத்துள்ளது. இந்தப் படத்தின் வெற்றிக்கு, படத்தில் இடம்பெற்ற பாடல்களும் முக்கிய காரணமாக அமைந்துள்ளன.
“புஷ்பா” முதல் பாகத்தில் இடம் பெற்ற “ஊ சொல்றியா மாமா” பாடலில் நடிகை சமந்தா ஆடிய நடனம் நாட்டில் அனைத்தும் பகுதிகளிலும் பிரபலமானது. அதேபோல், “புஷ்பா 2” படத்தில் இடம்பெற்ற “கிஸ்ஸிக்” பாடலுக்கு நடிகை ஸ்ரீலீலா ஆடிய நடனம் ரசிகர்களிடம் மிகுந்த வரவேற்பைப் பெற்றது.
இந்நிலையில், “புஷ்பா 3” எனும் பெயரில் இப்படத்தின் மூன்றாம் பாகம் உருவாகி வருகிறது. படத்தில் இடம்பெறும் கிளாமர் பாடல்களின் வரவேற்பு குறித்து இசையமைப்பாளர் தேவிஸ்ரீ பிரசாத் கருத்து தெரிவிக்கையிலே, “கிளாமர் பாடல்களில் எந்த நடிகை நடனம் ஆடினாலும் அந்த பாடல் சர்வதேச அளவில் பிரபலமாவதை எங்களுக்குத் தொடக்கத்தில் இருந்தே தெரியும். ஸ்ரீலீலா ஒரு அற்புதமான நடனக் கலைஞர். என் இசையில் பூஜா ஹெக்டே, சமந்தா, காஜல் அகர்வால் உள்ளிட்டோர் முன்னதாக நடனம் ஆடி உள்ளனர்.இந்த நிலையில், ‘புஷ்பா 3’ படத்தில் இடம்பெறும் பாடலுக்கு ஜான்வி கபூர் மிகவும் பொருத்தமானவர் என்று நான் நினைக்கிறேன். ஜான்வி கபூர் ஒரு அற்புதமான நடனக் கலைஞர்” என அவர் தெரிவித்துள்ளார். இந்நிலையில் நடிகை ஜான்வி கபூர் புஷ்பா 3 ல் ஒரு பாடலில் குத்தாட்டம் போடவுள்ளதாக தகவல் வெளியாகியுள்ளது.
