தெலுங்கு திரையுலகில் குறுகிய காலகட்டத்திலேயே முன்னணி நடிகர்களுடன் ஜோடியாக நடிக்கும் அளவிற்கு வளர்ந்து வரும் நடிகை ஸ்ரீ லீலா. மகேஷ் பாபு நடிப்பில் இந்த வருடம் வெளியான ‘குண்டூர் காரம்’ படத்தில் அவருடன் ஸ்ரீ லீலா நடித்தார்.
தற்போது தெலுங்கில் உருவாகி வரும் ‘ராபின்ஹூட்’, ‘உஸ்தாத் பகத்சிங்’, மற்றும் ரவி தேஜாவின் 75வது படம் என மூன்று படங்களில் நடித்து வருகிறார். இந்த நிலையில், சிரஞ்சீவி நடித்து வரும் ‘விஸ்வம்பரா’ படத்தில் நடிக்க ஸ்ரீ லீலாவுக்கு வாய்ப்பு கிடைத்ததாகவும், ஆனால் அவர் நடிக்க மறுத்துவிட்டார் என்றும் தகவல் வெளியாகியுள்ளது.
மல்லிடி வசிஷ்டா என்பவர் இயக்கத்தில் உருவாகி வரும் இந்தப் படத்தில் சிரஞ்சீவியின் ஜோடியாக ஏற்கனவே நடிகை த்ரிஷா நடித்து வருகிறார். இதில் இடம்பெறும் ஒரு முக்கியமான கவர்ச்சி பாடலுக்கு ஸ்ரீ லீலாவை நடிக்க அழைத்தனர் என்றும், இதற்காக அவர் பெரும் தொகையை பெறும் வாய்ப்பு இருந்ததாகவும் கூறப்படுகிறது. ஆனால், இப்படிப்பட்ட பாடலுக்கு நடனமாடினால் தனது திரையுலக பயணத்தில் பாதிப்பு ஏற்படலாம் என கருதி, ஸ்ரீ லீலா இந்த வாய்ப்பை மறுத்துவிட்டார் என்று தகவல் கூறுகிறது.
