மலையாளத் திரையுலகின் முன்னணி நடிகர்களில் ஒருவராக வலம்வரும் துல்கர் சல்மான் நடித்து சமீபத்தில் வெளியான ‘லக்கி பாஸ்கர்’ படம் ரூ.100 கோடிக்கு மேல் வசூல் செய்து வெற்றிப் படமாக அமைந்தது.
துல்கர் சல்மான் நடிக்கும் புதிய படம் ‘காந்தா’. இந்தப் படத்தை செல்வமணி செல்வராஜ் இயக்குகிறார். இவர் இதற்கு முன்பு ‘தி ஹண்ட் பார் வீரப்பன்’ மற்றும் ‘நிலா’ ஆகிய படங்களை இயக்கியவர். ‘மிஸ்டர் பச்சன்’ திரைப்படத்தின் புகழ் பெற்ற பாக்யஸ்ரீ, இந்தப் படத்தில் துல்கர் சல்மானுக்கு ஜோடியாக நடிக்கிறார். தமிழ், தெலுங்கு, மலையாளம் மற்றும் கன்னடம் உள்ளிட்ட மொழிகளில் இந்தப் படம் வெளியாக உள்ளது. வேபாரர் பிலிம்ஸ் மற்றும் ராணா ஸ்பிரிட் மீடியா ஆகிய நிறுவனங்கள் இணைந்து தயாரிக்கின்றன.
இன்று துல்கர் சல்மான் தனது 42வது பிறந்த நாளைக் கொண்டாடி வருகிறார். அவருக்கு பிறந்த நாள் வாழ்த்து தெரிவிக்கும் வகையில் ‘காந்தா’ படக்குழு சிறப்பு போஸ்டரை வெளியிட்டு வாழ்த்துகளை தெரிவித்துள்ளது மட்டுமின்றி இந்தப் படத்தின் டீசரும் தற்போது வெளியிடப்பட்டுள்ளது.