தமிழ் சினிமாவில் தனக்கென ஒரு தனிப்பட்ட ரசிகர் பட்டாளத்தை கொண்டிருக்கும் நடிகர் விஜய் சேதுபதி, கடைசியாக”மகாராஜா” திரைப்படத்தின் மூலம் மிகப்பெரிய வெற்றியை பெற்றார்.
அவருடைய மகனான சூர்யா விஜய் சேதுபதி, சண்டைப் பயிற்சியாளராக அறியப்படும் அனல் அரசு இயக்கத்தில் உருவாகும் “பீனிக்ஸ் – வீழான்” என்ற திரைப்படத்தின் மூலம் நாயகனாக தனது திரைத்துறையில் அறிமுகத்தை செய்யவுள்ளார். இந்தப் படம் மூலம் அவர் திரைத்துறையில் “சூர்யா சேதுபதி” என்ற பெயரால் இடம் பெற இருக்கிறார்.
இந்த திரைப்படத்தின் முதல் பாடலான “யாராண்ட” இசை ரசிகர்களிடையே மிகுந்த வரவேற்பைப் பெற்றது. இந்த பாடலுக்கு வித்யா தாமேந்திரன் எழுதிய வரிகள் மனதை கொள்ளை கொண்டதுடன், இசையமைப்பாளர் சாம் சிஎஸ் இசையும் ரசிகர்களிடையே பெரும் வரவேற்பைப் பெற்றது. நவம்பர் 14ல் வெளியாக இருந்த இப்படத்தின் ரிலீஸ் தற்போது, படத்தின் வெளியீட்டுத் தேதி குறிப்பிடாமல், தற்காலிகமாக ஒத்திவைக்கப்பட்டுள்ளதாக படக்குழு அறிவித்துள்ளது.
