தயராகிறது ‘கான்ஜூரிங் கண்ணப்பன் 2, ப்ரீ ப்ரொடக்ஷன் பணிகளில் களமிறங்கிய இயக்குனர்!

செல்வின் ராஜ் சேவியர் இயக்கத்தில் வெளிவந்த ஹாரர் காமெடி படம் ‘கான்ஜூரிங் கண்ணப்பன்’. இதில் சதீஷ் மற்றும் ரெஜினா முக்கிய கதாபாத்திரங்களில் நடித்தனர்.மேலும் இப்படத்தில் சரண்யா பொன்வண்ணன், ஆனந்த்ராஜ், ரெடின் கிங்ஸ்லி, விடிவி கணேஷ் உள்ளிட்ட பலர் நடித்திருந்தனர்.இந்தப் படத்திற்கு யுவன் சங்கர் ராஜா இசையமைத்தார், மற்றும் ஏ.ஜி.எஸ் நிறுவனம் தயாரித்தது.

இந்த படம் கலவையான விமர்சனங்களைப் பெற்றிருந்தாலும், வசூல் ரீதியாக தயாரிப்பாளரும் விநியோகஸ்தர்களும் லாபம் பெற்றதாக கூறப்பட்டது.

இந்நிலையில், தற்போது ‘கான்ஜூரிங் கண்ணப்பன் 2’ படத்தின் பணிகளில் இயக்குனர் செல்வின் ராஜ் ஈடுபட்டு வருகிறார் என கூறப்படுகிறது. மேலும், இந்த பாகத்தையும் ஏ.ஜி.எஸ் நிறுவனம் தயாரிக்க உள்ளது. இது குறித்த அதிகாரபூர்வ அறிவிப்பு விரைவில் வெளியாகும் என எதிர்பார்க்கப்படுகிறது.