இயக்குனர் ஞானவேல் இயக்கிய வேட்டையன் படத்தின் படப்பிடிப்பை நிறைவு செய்துள்ளார்.இப்படம் அக்டோபர் மாதம் வெளியாகும் என லைக்கா நிறுவனம் ஏற்கனவே அறிவித்திருந்தது.இந்த படம் வரும் அக்டோபர் 10ம் தேதி சர்வதேச அளவில் வெளியாகும் என தற்போது தகவல்கள் வெளியாகி உள்ளது.இதுகுறித்து படக்குழு தரப்பில் அதிகாரப்பூர்வ அறிவிப்பை விரைவில் வெளியிடுவார்கள் என எதிர்பார்க்கப்படுகிறது.
இந்த படத்தின் முதல் சிங்கிள், டீசர், ட்ரெய்லர் மற்றும் இசை வெளியீடு குறித்த அறிவிப்புகளையும், படத்தின் அடுத்தடுத்த அப்டேட்களையும் படக்குழு விரைவில் வெளியிடும் என எதிர்பார்க்கப்படுகிறது.ரஜினிகாந்த் அடுத்ததாக இயக்குனர் லோகேஷ் கனகராஜ் இயக்கத்தில் கூலி படத்தில் நடிக்கவுள்ளார். இந்த படத்தின் அறிவிப்பு சில மாதங்களுக்கு முன்பே வெளியானாலும், படத்தின் படப்பிடிப்பு ஜூலை மாதம் தொடங்கும் என இயக்குனர் லோகேஷ் கனகராஜ் முன்னதாக ஒரு பேட்டியில் கூறியிருந்தார்.
தற்போது கூலி படத்தின் படப்பிடிப்பு வரும் 10ம் தேதி தொடங்கும் என தகவல் வெளியாகியுள்ளது.இந்த படத்தில் ரஜினிகாந்த் வித்தியாசமான கேரக்டரில் நடிப்பதாகவும், இதுவரை இல்லாத அளவுக்கு ஆக்ஷன் காட்சிகளில் நடிப்பார் என்றும் லோகேஷ் கனகராஜ் கூறியிருந்ததால் படத்தின் மீதான எதிர்பார்ப்பு அதிகரித்துள்ளது. இந்த படத்தின் முதல் போஸ்டர் மற்றும் ப்ரோமோ ஏற்கனவே வெளியாகி பெரும் எதிர்பார்ப்பை ஏற்படுத்தியுள்ளது.
