2022 ஆம் ஆண்டில், சிபி சக்கரவர்த்தி இயக்கிய “டான்” திரைப்படம், சிவகார்த்திகேயன் நடிப்பில் வெளியானது. இப்படம் மக்களிடையே மிகுந்த வரவேற்பை பெற்று, வசூலிலும் வெற்றியைப் பெற்றது. “டான்” திரைப்படத்தின் வெற்றியினால் சிபி சக்கரவர்த்தி முக்கியமான இயக்குனராக மாறினார்.
பின்னர், சிபி சக்கரவர்த்தி ரஜினிகாந்த் மற்றும் நானி ஆகியோருக்கு கதை ஒன்றை கூறியுள்ளார். ஆனால் இரண்டு பேருக்கும் அந்த கதை பிடிக்காததால் அவர் தனது முதல் பட ஹீரோவான சிவகார்த்திகேயனுடன் மீண்டும் இணைய உள்ளார் என்று தகவல் வெளியாகியுள்ளது.
இந்த புதிய படத்தை பேஷன் ஸ்டுடியோஸ் நிறுவனத்தின் சார்பில் சுகன் தயாரிக்க உள்ளார். இதற்கான தொடக்க வேலைகள் தற்போது நடந்து வருகின்றன, மேலும் கதாநாயகியாக ராஷ்மிகா மந்தனாவை நடிக்க வைக்க பேச்சுவார்த்தைகள் நடைபெறுகின்றன.
படப்பிடிப்பு பணிகள் இன்னும் சில மாதங்களில் தொடங்கப்படும் என எதிர்பார்க்கப்படுகிறது. சிவகார்த்திகேயன் தற்போது அமரன் மற்றும் ஏ. ஆர். முருகதாஸ் இயக்கும் படங்களில் நடித்து வருகின்றார்.
