துல்கர் சல்மானின் தயாரிப்பு நிறுவனம் வேபேரர் பிலிம்ஸ் தயாரித்த ‘லோகா’ படம், ஓணம் பண்டிகையை முன்னிட்டு கடந்த ஆகஸ்ட் 28ஆம் தேதி வெளியானது. இப்படத்தில் ‘பிரேமலு’ புகழ் நஸ்லேன் மற்றும் கல்யாணி பிரியதர்ஷன் முக்கிய கதாபாத்திரங்களில் நடித்துள்ளனர். இவர்களுடன் சந்து சலீம் குமார், அருண் குரியன் மற்றும் சாந்தி பாலசந்திரன் ஆகியோரும் நடித்துள்ளனர்.
சூப்பர்வுமன் கதைக்களத்தில் உருவான ‘லோகா’ எனும் மலையாள திரைப்படம் தமிழிலும் வெளியாகியுள்ளது. இப்படத்தை டோமினிக் அருண் எழுதி இயக்கியுள்ளார். திரைக்கு வந்த இந்த படம் நல்ல வரவேற்பைப் பெற்றுவருகிறது. மர்மம் நிறைந்த கல்யாணி பிரியதர்ஷனின் கதாபாத்திரமும் அதன் வடிவமைப்பும் ரசிகர்களை பெரிதும் கவர்ந்துள்ளது. இப்படம் தமிழில் இன்று வெளியாகியுள்ளது. இதனை ஏ.ஜி.எஸ் நிறுவனம் தமிழ்நாட்டில் வெளியிட்டுள்ளது.
இந்நிலையில், கல்யாணி பிரியதர்ஷன் நடித்துள்ள ‘லோகா’ படம் 4 நாட்களில் ரூ.63 கோடி வசூல் செய்துள்ளதாக தகவல் வெளியாகியுள்ளது.
