Touring Talkies
100% Cinema

Monday, March 10, 2025

Touring Talkies

சரித்திர கதையில் நடிக்கிறாரா நடிகர் அல்லு அர்ஜுன்?

Share

- Advertisement -
- Advertisement -
- Advertisement -

‘புஷ்பா 2’ திரைப்படத்தின் மூலம் தெலுங்கு நடிகர் அல்லு அர்ஜுன், பான் இந்தியா ஸ்டார் என்ற அடையாளத்துடன், வசூல் ஸ்டார் என்ற பெருமையையும் பெற்றுள்ளார். இப்போது, அவர் நடிக்கவுள்ள அடுத்த திரைப்படத்தை திருவிக்ரம் சீனிவாஸ் இயக்கவுள்ளதாக மீண்டும் உறுதிப்படுத்தப்பட்டுள்ளது.

அந்த திரைப்படத்தை சித்தாரா என்டர்டெயின்மென்ட் நிறுவனம் தயாரிக்கவுள்ளது. இந்த நிறுவனம் இதற்கு முன்பு பல முன்னணி நடிகர்களின் திரைப்படங்களை தயாரித்துள்ளது. சமீபத்தில் நடந்த ஒரு சினிமா நிகழ்ச்சியில், அந்த நிறுவனத்தின் தயாரிப்பாளர் நாக வம்சி, அல்லு அர்ஜுன் – திரிவிக்ரம் சீனிவாஸ் படத்தின் அப்டேட்டை வெளியிட்டார்.

அவரது தகவலின்படி, இப்படம் சமூக – புராண கலவையான திரைப்படமாக உருவாகவுள்ளது. மேலும், இந்த ஆண்டின் இரண்டாம் பாதியில் இப்படத்தின் படப்பிடிப்பு தொடங்கும் எனவும் அவர் கூறியுள்ளார். ‘புஷ்பா 2’ படத்தை விடவும் இப்படத்தை இன்னும் பிரம்மாண்டமாக உருவாக்க திட்டமிட்டுள்ளதாக தகவல்கள் வெளியாகியுள்ளன. அல்லு அர்ஜுன் மற்றும் திரிவிக்ரம் சீனிவாஸ் கூட்டணி ஐந்து வருட இடைவெளிக்குப் பிறகு மீண்டும் இந்த படத்தில் இணைகிறது.

அதே நேரத்தில், இயக்குநர் அட்லி, அல்லு அர்ஜுனை வைத்து ஒரு புதிய திரைப்படத்தை இயக்குவது குறித்து பேச்சுவார்த்தை நடத்தி வருவதாக தகவல்கள் வெளியாகியுள்ளன. ஆனால், தற்போதைக்கு அந்த திட்டம் உடனடியாக தொடங்குவதாக எந்த தகவலும் இல்லை.

- Advertisement -

Read more

Local News