‘ஜெய் பீம்’ இயக்குநர் ஞானவேல் இயக்கத்தில் உருவாகியுள்ள “வேட்டையன்” திரைப்படத்தில் நடிகர் ரஜினிகாந்த் நடித்துள்ளார். இப்படத்தில் ரஜினிகாந்துடன் இணைந்து அமிதாப் பச்சன், பகத் பாசில், ராணா டகுபதி, ரித்திகா சிங், துஷாரா விஜயன் உள்ளிட்ட பலரும் நடித்துள்ளனர். லைகா நிறுவனம் தயாரித்துள்ள இப்படத்தின் படப்பிடிப்பு நிறைவடைந்துவிட்டது, தற்போது பின்னணி வேலைகள் நடைபெற்று வருகின்றன. இப்படத்திற்கு அனிருத் இசையமைத்துள்ளார், மேலும் படம் அக்டோபர் 10 ஆம் தேதி வெளியிடப்படும் என படக்குழு சமீபத்தில் அறிவித்துள்ளது.
கடந்த சில வாரங்களாக, இப்படத்தின் டப்பிங் பணிகள் தீவிரமாக நடைபெற்று வருகின்றன. இப்படத்தின் முதல் பாடலான ‘மனசிலாயோ’ பாடலின் கிலிம்ப்ஸ் வீடியோவை படக்குழு நேற்று வெளியிட்டது. இந்த பாடலை மறைந்த பிரபல பின்னணி பாடகர் மலேசியா வாசுதேவன் பாடியுள்ளார்.
27 வருடங்கள் கழித்து, ரஜினிகாந்த் நடித்த ஒரு படத்திற்கு மலேசியா வாசுதேவன் பாடியுள்ளார். அவரது குரலை ஏ.ஐ தொழில்நுட்பத்தின் உதவியுடன் மீண்டும் உயிர்ப்பித்துள்ளனர். ‘மனசிலாயோ’ பாடல் தற்போது வெளியாகி மிகவும் துள்ளலாக அமைந்துள்ளது. இதில் தமிழ் மற்றும் மலையாள பாடல் வரிகள் இடம்பெற்றுள்ளன. பாடலில் இசையமைப்பாளர் அனிருத், ரஜினியுடன் இணைந்து ஆடியுள்ளார். மஞ்சு வாரியர் சிறப்பாக ஆட்டம் போட்டுள்ளார்.
