Touring Talkies
100% Cinema

Tuesday, March 11, 2025

Touring Talkies

சசிகுமார் மற்றும் சிம்ரன் கூட்டணியில் உருவாகும் புதிய படத்தின் படப்பிடிப்பு பூஜையுடன் தொடக்கம்!

Share

- Advertisement -
- Advertisement -
- Advertisement -

சுப்ரமணியபுரம் படத்தின் மூலம் இயக்குநராக அறிமுகமானவர் சசிகுமார். அதன் பிறகு ஈசன் படத்தை இயக்கிய அவர்,பின்னர் நடிப்பில் அதிக கவனம் செலுத்தினார். அவர் நடிப்பில் சமீபத்தில் வெளியான அயோத்தி மற்றும் கருடன் ஆகிய படங்கள் வெற்றியடைந்தது.

சசிகுமார் நடிப்பில் உருவாகியுள்ள நந்தன் திரைப்படம், நீண்ட இடைவெளிக்குப் பிறகு தற்போது திரையரங்குகளில் வெளியானது. இதில் சசிகுமார் நாம் இதுவரை பார்த்திராத மாறுபட்ட தோற்றத்தில் நடித்துள்ளார். அவருடன் ஸ்ருதி பெரியசாமி, சுமுத்திரக்கனி, பாலாஜி சக்திவேல் ஆகியோர் முக்கிய கதாபாத்திரங்களில் நடித்துள்ளனர். இப்படத்துக்கு ஜிப்ரான் இசையமைத்துள்ளார். அயோத்தி திரைப்படத்தில் பணியாற்றிய குழுவின் ஒரு பகுதி நந்தன் படத்திலும் இணைந்துள்ளது என்பது குறிப்பிடத்தக்கது. நந்தன் திரைப்படம், கிராம பஞ்சாயத்து தேர்தலின்போது ஏற்படும் சாதிய அடக்குமுறைகள் பற்றி வலுவாக பேசுவதாக இப்படம் பார்த்தவர்கள் கருத்து தெரிவித்துள்ளனர்.

குட் நைட் படத்தை தயாரித்த மில்லியன் டாலர் ஸ்டுடியோஸ் நிறுவனத்தின் தயாரிப்பில் ஒரு புதிய படத்தில் சசிகுமார் நடிக்கவுள்ளார் என்று ஏற்கனவே செய்திகள் வெளியானது. அதோடு, அந்த படத்தில் சசிகுமாருடன் இணைந்து நடிகை சிம்ரன் முக்கியமான கதாபாத்திரத்தில் நடிக்கவுள்ளார் என்று கூறப்பட்டது.

இந்நிலையில், சசிகுமார் மற்றும் சிம்ரன் கூட்டணியில் உருவாகும் புதிய படத்தின் படப்பிடிப்பு பூஜையுடன் தொடங்கியுள்ளது. இப்படத்தை அறிமுக இயக்குநர் அபிஷன் ஜீவிந்த் இயக்குகிறார். ஷான் ரோல்டன் இசையமைக்கிறார். இந்தப் படத்தின் படப்பிடிப்பு இன்று சென்னையில் பூஜையுடன் தொடங்கியது.

- Advertisement -

Read more

Local News