வெங்கட் பிரபு இயக்கத்தில் விஜய் நடித்து வரும் படம் ‘கோட்’. இதில் பிரசாந்த், பிரபுதேவா, மோகன் உள்ளிட்ட பல நட்சத்திரங்கள் விஜய்யுடன் முதன்முறையாக இணைந்து நடித்துள்ளனர். அதுமட்டுமல்லாமல், மறைந்த நடிகர் விஜயகாந்த் இந்த படத்தில் ஏஐ தொழில்நுட்பத்தின் மூலம் சிறப்பு கதாபாத்திரத்தில் தோன்றவுள்ளார்.
அவர் உயிருடன் இருக்கும் போதே இயக்குனர் விஜய் மில்டன், ‘மழை பிடிக்காத மனிதன்’ படத்தில் அவரை நடிக்க வைக்க முயன்றபோதும, அவரது உடல் நல குறைவு காரணத்தால் அது நடக்கவில்லை. ஆனால் தற்போது வெங்கட் பிரபு இதை ஏஐ தொழில்நுட்பத்தின் மூலம் சாதித்துள்ளார்.
இந்த படத்தில் விஜயகாந்தின் காட்சிகள் ஒரு நிமிடம் மட்டுமே என அவரது மகன் விஜய பிரபாகரன் சமீபத்திய பேட்டியில் கூறியுள்ளார். இவ்வாறு இருந்தாலும், அவர் கதைக்கு திருப்பமாகக் கதாபாத்திரமாக இருக்கக்கூடும் என கூறப்படுகிறது. மேலும், விஜய் நடித்த ‘செந்தூரப்பாண்டி’யில் இணைந்து நடித்த விஜயகாந்த், தற்போது விஜய் நடிக்க உள்ள கடைசி படத்திற்கு முன் இந்த படத்தில் இடம்பெற்றிருப்பது ரசிகர்களுக்கு ஆச்சரியத்தையும் மகிழ்ச்சியையும் ஏற்படுத்தியுள்ளது.
