சிறந்த இயக்குனர், ஹீரோ, வில்லன் என எந்த கதாபாத்திரத்திலும் அசத்த கூடியவர் நடிகர் எஸ்.ஜே.சூர்யா, கடைசியாக மார்க் ஆண்டனி மற்றும் ஜிகர்தண்டா டபுள் எக்ஸ் படங்களில் தனது அசுரத்தனமான நடிப்பால் அசத்தியிருந்தார். தற்போது, அவர் இந்தியன் 2 படத்தில் நடித்துள்ளார்.
எஸ்.ஜே.சூர்யா சமீபத்திய பேட்டியில் கமல்ஹாசனுடனான அனுபவங்களை பகிர்ந்துள்ளார். அவர் கூறியதாவது, லயோலா கல்லூரியில் படித்து முடித்தபின் கமல் மருதநாயகம் படத்தை எடுக்க இருப்பதாக கேள்விப்பட்டு, அப்படத்தில் உதவி இயக்குனராக வேலை செய்ய வாய்ப்பு கேட்டு போனேன். கமல் ‘யெஸ் டெல் மி’ என்றார். நான் ‘என் பெயர் ஜஸ்டின் சார்’ என்றேன். அவர் ‘யெஸ் ஜஸ்டின்’ என்றார். என் பெயரை அவ்வளவு ஸ்டைலாக யாருமே உச்சரித்தது இல்லை. ஆனால், எனக்கு வாய்ப்பு கிடைக்கவில்லை. அவராலும் அந்த படத்தை எடுக்க முடியவில்லை.
“ஆனால், இப்போது கமல் சாருடன் நடிப்பது எனக்கு மிகப்பெரிய சந்தோஷம். இந்தியன் 2 மற்றும் இந்தியன் 3 இரண்டு படங்களிலும் கமல் சாருடன் அதிக காட்சிகளில் நடித்திருக்கிறேன்,” என எஸ்.ஜே.சூர்யா நெகிழ்ச்சியுடன் கூறியுள்ளார்.
