தமிழ் திரையுலகில் வித்தியாசமான படைப்புகளை தொடர்ந்து வழங்கி வரும் இயக்குனர், நடிகர் பார்த்திபன். அவரது முதல் படத்திலேயே சிறந்த படத்திற்கான தேசிய விருதை வென்று இருக்கிறார். இயக்கம் மட்டுமின்றி படங்களில் நடிப்பதிலும் கவனம் செலுத்தி வருகிறார்.
பல்வேறு திரைப்படங்களில் பல்வேறு கதாபாத்திரங்களில் பார்த்திபன் ரசிகர்களை மகிழ்வித்துள்ளார். அவர் கடைசியாக தயாரித்து, இயக்கிய ‘ஒத்த செருப்பு சைஸ் 7’ பல்வேறு விருதுகளை வென்றது. இதைத் தொடர்ந்து ‘இரவின் நிழல்’ படத்தை இயக்கி, தயாரித்தார், இது கலவையான விமர்சனங்களை பெற்றது.அவரது அடுத்த படம் ‘டீன்ஸ்’, இது குழந்தைகளை மையமாகக் கொண்டு எடுக்கப்பட்டுள்ளது. இந்தப் படம் ஜூலை 12ஆம் தேதி வெளியாகும் என அறிவிக்கப்பட்டுள்ளது. டி இமான் இசையமைத்துள்ளார். இப்படம் ஒரு திரில்லர் பாணியில் உருவாகியுள்ளது.
‘டீன்ஸ்’ ஜூலை 12ஆம் தேதி வெளியாகவுள்ளது. அதே நாளில் ஷங்கர் இயக்கத்தில் கமல் நடிப்பில் உருவாகியுள்ள ‘இந்தியன் 2’ வெளியாகவுள்ளது. இந்த நிலையில், பார்த்திபன் தனது படத்தின் ப்ரோமோஷன் பணிகளில் ஈடுபட்டு வருகிறார். படத்தின் டிக்கெட் விலையை 100 ரூபாய்க்கு குறைத்து, சில நாட்களுக்கு மட்டுமே இந்தச் சலுகை என்பதாக அறிவித்துள்ளார்.
