யாஷோ எண்டர்டெயின்மெண்ட் தயாரிப்பில் எம். சத்யா வழங்கியுள்ள படம் ‘கருப்பு பல்சர்’. இயக்குநர் எம். ராஜேஷிடம் உதவி இயக்குநராக பணியாற்றிய முரளி கிரிஷ், இப்படத்தின் மூலம் இயக்குநராக அறிமுகமாகிறார். தினேஷ் இரட்டை வேடத்தில் நடிக்க, அவருக்கு ஜோடியாக ரேஷ்மா வெங்கட் மற்றும் மதுனிகா நடித்துள்ளனர். மேலும், மன்சூர் அலிகான், கலையரசன், சரவணன் சுப்பையா, பிரின்ஸ் அஜய், பிராங்க்ஸ்டர் ராகுல் ஆகியோரும் முக்கிய கதாப்பாத்திரங்களில் நடித்துள்ளனர். இசையை இன்பராஜ் வழங்கியுள்ளர், ஒளிப்பதிவை பாஸ்கர் ஆறுமுகம் கவனித்துள்ளார்.
படம் பற்றிய தகவலை இயக்குநர் முரளி கிரிஷ் பகிர்ந்துள்ளார் அதில், “மதுரை பின்புலத்திலிருந்து கருப்பு காளையுடன் வாழும் ஒரு இளைஞனும், சென்னையில் பல்சருடன் வாழும் இன்னொரு இளைஞனும், அவர்கள் சந்திக்கும் தருணத்தில் அவர்களுடைய வாழ்க்கையில் ஏற்படும் திருப்பங்களே கதைக்களம். இப்படம் திகிலும், திருப்பங்களும் நிறைந்த முழு-length கமர்ஷியல் படமாக இருக்கும்,” என கூறியுள்ளார்.
‘லப்பர் பந்து’ திரைப்படத்தின் மிகப்பெரிய வெற்றிக்கு பிறகு, மதுரை கிராமத்து இளைஞராகவும், சென்னை மாடர்ன் இளைஞராகவும் தினேஷ் இரண்டு மாறுபட்ட தோற்றங்களில் நடித்துள்ளார். “மக்கள் களைப்பை மறந்து சிரிக்கும்படி இப்படம் முழுக்க நகைச்சுவை கலந்த கமர்ஷியல் படமாக இருக்கும்,” என அவர் தெரிவித்தார். ‘பொல்லாதவன்’ படத்தின் கருப்பு பல்சர் மற்றும் ஜல்லிக்கட்டு போராட்டம் ஆகிய இரண்டுமே இப்படத்திற்கான கரு உருவாகக் காரணமாக இருந்ததாகவும் கூறினார்.
மதுரையின் புகழ்பெற்ற ஜல்லிக்கட்டைக் கண்கொள்ளாகக் காட்டியிருப்பதோடு, தினேஷ் இப்படத்தின் கதையை கேட்டவுடனே உடனே ஒப்புக் கொண்டார். “இத்திரைப்படத்திற்காக அவர் பிரம்மாண்ட முயற்சிகளை மேற்கொண்டார். இரண்டு நாட்கள் ஜல்லிக்கட்டில் உண்மையாகவே மாடுகளை பிடித்தார், அதில் அடிபட்டும் எந்த விடாமுயற்சியும் இழக்காமல் நடித்தார். சென்னை இளைஞனாகவும் அவருடைய நடிப்பு கவர்ந்திருக்கும். சென்னையும் மதுரையும் இணைந்து 28 நாட்களில் படப்பிடிப்பு முடிந்தது. ‘லப்பர் பந்து’க்கு பிறகு ரசிகர்களுக்கான சிறந்த பொழுதுபோக்கு திரைப்படமாக இது அமையும்,” என கூறினார்.
