நடிகர் ஜெயம் ரவி தற்போது அடுத்தடுத்து முன்னணி இயக்குனர்களின் படங்களில் நடித்து வருகிறார். கடந்த ஆண்டில் மணிரத்னம் இயக்கத்தில் வெளியான பொன்னியின் செல்வன் 2 அவருக்கு பெரிய வெற்றியை தந்தது. ஆனால், அடுத்து வெளியான இறைவன் மற்றும் சைரன் படங்கள் எதிர்பார்த்ததை விட மோசமான ரிசல்ட்டே பெற்றன.
இந்நிலையில், ஜெயம் ரவி தொடர்ந்து ரசிகர்களை கவர்ந்து வெற்றிப் படங்களை கொடுக்க வேண்டிய நிலையில் உள்ளார். அவரின் நடிப்பில் அடுத்தடுத்து வெளியாகவுள்ள ஜெனீ, பிரதர் மற்றும் காதலிக்க நேரமில்லை ஆகிய படங்கள் அவருக்கு வெற்றி தரும் என எதிர்பார்க்கப்படுகிறது. இந்த படங்களின் சூட்டிங் கிட்டத்தட்ட நிறைவடையவுள்ள நிலையில், ஜெயம் ரவி அடுத்தடுத்த அப்டேட்களை அறிவித்து வருகிறார்.
இந்தநிலையில் அவரது சகோதரரான மோகன் ராஜா இயக்கத்தில் ஜெயம் ரவி நடிக்கும்’தனி ஒருவன் 2′ படப்பிடிப்பு விரைவில் தொடங்க உள்ளதாக கூறப்பட்டது. ஆனால் இப்படத்தின் பட்ஜெட் தொடர்பான சிக்கல்கள் காரணமாக, படப்பிடிப்பு தள்ளி போவதாக தகவல்கள் வெளியாகியுள்ளன. இதனால், மோகன் ராஜா அடுத்ததாக சிரஞ்சீவியுடன் இணைந்து ஒரு புதிய படத்தை இயக்க கமிட் ஆகியுள்ளதாகவும் கூறப்படுகிறது. மேலும், அவர் அஜித்திற்கும் ஒரு கதை வழங்கி ஒப்புதல் பெற்றுள்ளதாகவும் தகவல்கள் வெளியாகியுள்ளன. இந்த இரு புதிய படங்கள் குறித்த அறிவிப்புகள் விரைவில் வெளியாகும் என எதிர்பார்க்கப்படுகிறது.
இந்த சூழ்நிலையில் ஜெயம் ரவியின் அடுத்த படத்தைப் பற்றிய அப்டேட் தற்போது வெளியாகியுள்ளது. முன்னர், சூர்யாவின் நடிப்பில் எதற்கும் துணிந்தவன் படத்தை இயக்கிய இயக்குனர் பாண்டிராஜ், ஜெயம் ரவியின் நடிப்பில் புதிய படத்தை இயக்கவுள்ளார் என கூறப்பட்டுள்ளது. இவர் விஷாலை இயக்க ஏற்கனவே கமிட்டாகியுள்ள நிலையில், இந்தப் புதிய படம் தற்போது ஹோல்டில் வைக்கப்பட்டுள்ளதாக கூறப்படுகிறது.ஜெயம்ரவி தனது கமிட்மெண்ட்களை ஜூன் மாதத்திற்குள் நிறைவு செய்வார் எனவும் பின்னர், இந்தப் புதிய படத்தின் சூட்டிங் ஜூலை மாதத்தில் துவங்கும் என்று எதிர்பார்க்கப்படுகிறது.
