நடிகர் எஸ்.ஜே. சூர்யா இன்று (ஜூலை 20) தனது 56ஆவது பிறந்தநாள் கொண்டாடுகிறார். நடன இயக்குநரும் நடிகரும் இயக்குநருமான ராகவா லாரன்ஸ் மாற்றம் என்ற அமைப்பை நிறுவி மக்களுக்கு உதவி செய்துவருகிறார். இதில் எஸ்.ஜே. சூர்யாவும் இணைந்துள்ளதை தனது இன்ஸ்டாவில் தெரிவித்திருந்தார்.
இந்நிலையில் தனது சமூக வலைத்தள பக்கத்தில் ராகவா லாரன்ஸ், எனது இனிய நண்பரும் சகோதருமான எஸ்.ஜே. சூர்யாவுக்கு பிறந்தநாள் வாழ்த்துகள். உங்களுக்கு மிகவும் மிருதுவான மனம். என்னுடைய மாற்றம் பயணத்தில் இணைந்ததற்கு நன்றி. நீங்கள் இயக்கும் நடிக்கும் படங்கள் மிகப்பெரிய வெற்றியடைய வாழ்த்துகள். உங்களுக்கு வெற்றியும் நல்ல உடல் நலத்தையும் தருமாறு ராகவேந்திரா சுவாமியை வேண்டிக்கொள்கிறேன் எனக் கூறியுள்ளார்.
எஸ்.ஜே. சூர்யா, ராகவா லாரன்ஸ் இருவரும் ஜிகர்தண்டா டபுள் எக்ஸ் படத்தில் நடித்துள்ளனர். அதேபோல் மீண்டும் ராகவா நடிக்கும் பென்ஸ் படத்தில் எஸ்.ஜே.சூர்யா இணைந்துள்ளதாக கூறப்படுகிறது.
